Атырау Астрахань бағытындағы жол учаскесінде құрылыс жұмыстары қарқын алды

«Атырау–Астрахань» бағытындағы республикалық маңызы бар автожолдың 616–621 шақырым аралығы Атырау облысы әкімдігінің қарамағына беріліп, оны I техникалық санатқа сәйкестендіру жоспарлануда. Бұл туралы Өңірлік коммуникациялар қызметі хабарлады.

Қазіргі таңда ұзындығы 4,76 шақырым болатын айналма жолдың құрылысы толық аяқталған. Сонымен қатар:

2,2 шақырым учаскеде жолдың негізгі қабаты төселді; Оның 0,8 шақырымына қиыршық тас пен құмды қоспа жайылды; Газ, су және «Қазақтелеком» инженерлік желілері жаңа бағытқа толықтай көшірілді.

Құрылыс-монтаждау жұмыстарын «Қазахдорстрой» ЖШС жүзеге асыруда. Қазіргі уақытта:

Теміржол өткелінің кірме жолдарына топырақ төселуде; Жаңа теміржол өтпесіне арналған 500 тірек орнатылып, бекітілді.

Жолдың сипаттамасы:

Жалпы ені — 15 метр; Қозғалыс бөлігі — төрт жолақты, әрқайсысы 3,5–4 метр; Бөлу жолағы — 4 метр; Көпір ұзындығы — 89,4 метр; Құрылыс мерзімі — екі жыл.

Жоспар бойынша, жаңғырту жұмыстары жыл соңына дейін 70% көлемінде аяқталуы тиіс.

Бүгін, 14:22