Атырау облысында Ақбаян Мұқанғалиеваның өз отбасын өлтіруге қатысы бар жоғы тексерілді

Атырау облысындағы бір отбасының өліміне қатысты деректі тергеуде жаңа мәлімет пайда болды. Өңірлік прокуратура күдіктінің жұбайы Ақбаян Мұқағалиеваның қылмысқа қатысы бар-жоғына қатысты түсініктеме берді, - деп хабарлайды Tengrinews.kz.

Атырау облысындағы бір отбасының өліміне қатысты деректі тергеуде жаңа мәлімет пайда болды. Өңірлік прокуратура күдіктінің жұбайы Ақбаян Мұқағалиеваның қылмысқа қатысы бар-жоғына қатысты түсініктеме берді, - деп хабарлайды Tengrinews.kz.

Мән-жайы

Өткен жылдың аяғында Атырау облысының тұрғындары зейнеткер ерлі-зайыпты мен олардың ересек балаларының жоғалғаны туралы хабарлаған болатын.

Барлығы төрт адамға іздеу салынды:

66 жастағы Мақсот Қарабалин; 64 жастағы Нәсіп Өтешқалиева; 35 жастағы қызы Мейрамгүл Қарабалина; 32 жастағы ұлы Наурыз Мұқанғалиев.

Алтыншы қаңтар күні Жангелдин ауылында зейнеткер ерлі-зайыптының мәйіті табылды.

Оларды жерлегеннен кейін, 8 қаңтарда полиция іс бойынша басты күдіктіні жариялады. Ол отбасының 29 жастағы күйеу баласы – Сұлтан Сәрсемалиев болып шықты. Оның отбасының кенже қызы – Ақбаян Мұқанғалиевамен бірге елден кетіп қалғаны белгілі болды. Ер адамға халықаралық іздеу жарияланды.

24 ақпанда Сәрсемалиев пен Мұқанғалиева Индонезияның Сенару ауылындағы қонақүйлердің бірінде ұсталды.

ҚАЗІР ТАЛҚЫЛАНЫП ЖАТЫР

Министр Қазақстандағы курьерлер мен такси жүргізушілері үшін алаңдатарлық болжам айтты

27 сәуір 18:41 1

Қазақстанның Халық жазушысы Мұхтар Шаханов өмірден өтті

19 сәуір 22:47 1

Қазақстанның Ибраһим келісімдеріне ресми түрде қосылу рәсімі Астанада өтуі мүмкін

27 сәуір 20:44 1

25 ақпан күні Ішкі істер министрінің орынбасары Санжар Әділов Ақбаян Мұқанғалиеваның да іс бойынша күдікті деп танылғанын хабарлады.

9 наурызда кешке күдікті ерлі-зайыптының Алматыға экстрадицияланғаны белгілі болды, онда Сәрсемалиев Наурыз Мұқанғалиев пен Мейрамгүл Қарабалинаны өлтіргенін мойындап, олардың көмілген жерін көрсетті.

Әакесі мен інісінің мәйіттері Атырау түбіндегі Геолог мөлтек ауданынан табылды. Олар басты күдікті бұрын жалдап тұрған үйдің ауласына көмілген.

11 наурызда Қызылқоға ауданы Жангелдин ауылында жерлеу рәсімі өтті.

Ақбаян Мұқағалиева күдікті деп танылған жоқ

Атырау облысы прокуратурасының баспасөз қызметі мәліметінше, қазіргі уақытта аталған қылмыстық іс бойынша сотқа дейінгі тергеп-тексеру аяқталып, іс сотқа жолданған.

"А. Мұқанғалиеваға қатысты тағайындалған сот-психологиялық-психиатриялық сараптаманың қорытындысы шығуы керек. Сараптама қорытындысы тергеу органына ресми түрде түскеннен кейін оған тиісті процестік құқықтық баға беріледі. Аталған қылмыстық құқық бұзушылықтарды С. Сәрсемалиев жеке өзі жасаған. Бұл қылмысты жасауға өзге адамдардың қатысы бар екені туралы деректер анықталған жоқ", - деп хабарлады прокуратура.

Ақбаян Мұқанғалиеваның отбасы мүшелерінің өліміне қатысы болмауына байланысты оған қатысты қылмыстық қудалау тоқтатылған.

"Қылмыс туралы хабарламау дерегі бойынша бөлек іс жүргізу аясында соталды тергеп-тексеру жүріп жатыр", - деп толықтырды прокуратура өкілдері.

Қылмыс құралына қатысты мән-жайлар сот талқылауы барысында зерттеледі, соған байланысты бұл ақпарат жария етуге жатпайды.

Қылмыс туралы хабарламағаны үшін берілетін жаза

Айта кетейік, Қылмыстық кодекстің 434-бабына сәйкес, дайындалып жатқан немесе жасалған аса ауыр қылмыс туралы анық біле тұра хабарламағаны үшін мынадай жазалар қарастырылған:

6 000 АЕК-ке дейінгі мөлшерде айыппұл (2026 жылы 25,9 миллион теңге); дәл сол мөлшердегі түзеу жұмыстары; 6 жылға дейінгі мерзімге бас бостандығын шектеу; сол мерзімге бас бостандығынан айыру.

Жаза жасалған қылмыстың ауырлығына байланысты және сот шешімімен тағайындалады.

Осы бап бойынша қылмыс жасаған адамның жұбайы (зайыбы) немесе жақын туыстары, сондай-ақ тәубеге келу кезінде өздеріне сеніп айтылған қылмыстар туралы хабарламағаны үшін діни қызметшілер қылмыстық жауаптылыққа тартылмайды.

Сонымен қатар, кейбір мәліметтер бойынша, Сұлтан Сәрсемалиев пен Ақбаян Мұқағалиева қазір некеде емес.

Google News арқылы жаңалықтарымызды қадағалаңыз

Жазылу