Атырау облысында сталкинг үшін алғашқы үкім шықты

С.К. есімді азамат өзінің құрбанын аңдымақ болып шешкен. Ол 2025 жылдың қыркүйегінде жәбірленушінің үйіне жиі келіп, терезесінен сығалаған.

Әйел шамадан тыс назарға шыдай алмай, құқық қорғау органына жүгінген.

Әйелдің психологиялық жағдайына елеулі зиян келтірген адамның аңду әрекетін сот заңсыз деп танып және оған 200 сағат қоғамдық жұмыс жазасын тағайындады.

Еске сала кетсек, 2025 жылдың шілдесінен кез-келген адамның еркінен тыс қарым-қатынас орнатуға тырысу (егерде бұл зиян келтірсе) қылмыс болып саналады.

Аңдушы тіпті физикалық қол жұмсамаса да.

-ҚР ҚК 115-1-бабының ең ауыр жазасы ретінде қамауға алу 50 тәулік, айыппұл 200 АЕК, қоғамдық немесе түзеу жұмыстары көзделген. Айта кетейік, ізіне түсуі, артынан қалмай аңду енді заңсыз әрекет болып саналды,-делінген хабарламада.

Осыған дейін Алматы облысында бірнеше ай бойы сталкинг жасаған ер адамның жазаланғаны туралы жаздық.