Атырау тұрғындары құқықбұзушылықтар туралы E Gov, Kaspi және Halyk Bank арқылы белсенді түрде хабарлап жатыр

Атырау қаласында іске қосылған «Заң мен Тәртіп» цифрлық сервисі арқылы тұрғындар полицияға құқықбұзушылықтар туралы жедел әрі тікелей хабарлауға мүмкіндік алып отыр. 

Қызмет іске қосылғаннан бері Police 102 мобильді қосымшасы арқылы 571 түрлі сипаттағы өтініш тіркелген.

Хабарламалар қай арналар арқылы түскен:

E-Gov Mobile — 219 өтініш Kaspi.kz — 131 өтініш Halyk Bank — 9 өтініш ОМС жүйесі — 210 өтініш Басқа арналар — 2 өтініш

Көптеген өтініштер жол қозғалысы ережелерінің бұзылуы, жол-көлік оқиғалары және әкімшілік құқықбұзушылықтарға қатысты болған.

Сервис тәулік бойы үздіксіз жұмыс істейді және азаматтарға құқықбұзушылықтар туралы хабарлаудың ыңғайлы әрі жедел тәсілін ұсынады. Хабарлама жіберу үшін қосымшада «Заң мен Тәртіп» батырмасын таңдап, оқиға түрі мен орнын көрсетіп, қысқаша сипаттама толтыру жеткілікті — ақпарат автоматты түрде полицияның кезекші бөліміне жолданады.

Бұл бастама қоғамдағы ашықтықты арттырып, азаматтар мен полиция арасындағы өзара әрекеттестікті нығайтуға бағытталған. Цифрлық шешімдер құқық қорғау саласындағы сенімділік пен тиімділікті жаңа деңгейге көтеріп келеді.

Бүгін, 21:13