Атырауда 600 мың гектарға жуық жер мемлекет меншігіне қайтарылды

Өткен жыл облыста жалпы аумағы 61,6 мың гектарды құрайтын 106 жер учаскесі мемлекетке өткізілген. Оның 55,3 мың гектары – жайылымдық жер, 2,2 мың гектары – егістік алқап, ал 4,1 мың гектары өзге де ауыл шаруашылығы мақсатындағы учаскелер. 

2026 жылға арналған жоспарға сәйкес, Қазақстан Республикасы Ауыл шаруашылығы министрлігі бекіткен межеге сай өңірде игерілмей жатқан қосымша 40 мың гектар жерді мемлекет меншігіне қайтару көзделіп отыр.

– Қайтарылған жерлерді қайта айналымға енгізу және ауыл шаруашылығы өндірісін дамыту бағытындағы жұмыстар жалғасады. Сондай-ақ пайдаланылмай жатқан жерлерді анықтау және оларды заң талаптарына сәйкес мемлекет меншігіне қайтару шаралары тұрақты бақылауда, - деді облыстық ауыл шаруашылығы және жер қатынастары басқармасының бөлім басшысы Назкен Өтешова.

Осыған дейін мал шаруашылығын жүргізбеген кәсіпкерлерден жер қайтарып алынатыны туралы жазған едік.