Атырауда әйел учаскелік полицейді пышақтап жаралады

Оқиға 16 қазан күні кешкі уақытта Привокзальный ықшамауданында орын алған.

Учаскелік екі инспектор көршілес пәтерден шыққан қатты музыкаға, шуға және балағат сөздерге байланысты шағым бойынша шақыртуға келген.

Учаскелік инспектор тыныштықты бұзғандарды сабасына түсіруге тырысқан кезде, сол жерде болған әйелдердің бірі пышаққа жармасқан. Куәгерлердің айтуынша, инспектор арқасынан жарақат алған.

Жараланған қызметкерге медициналық көмек көрсетілді, оның өміріне қауіп жоқ. 37 жастағы күдікті әйел ұсталды.

Шабуыл фактісі бойынша ҚР Қылмыстық кодексінің 380-бабы 6-бөлігі 1-тармағы («Билік өкіліне өміріне немесе денсаулығына қауіпті күш қолдану») бойынша сотқа дейінгі тергеу басталды.

Анастасия ШЕРСТЯНКИНА

Бүгін, 14:31