​Атырауда Baizaar дағы өрттен кейін гипермаркетке 1 млрд теңгеден астам өтемақы төленді

Естеріңізге сала кетейік, ірі өрт оқиғасы 2024 жылғы қазан айында болды және жалға алып отырған кәсіпкерлер қомақты шығынға ұшырады. 

Сауда үйінде жұмыс істеген гипермаркетке келген залал 1 млрд 100 млн теңгеден асты.

Өрт балалар киімі дүкенінің қоймасынан басталып, кейін сауда залына тарағаны белгілі. Өрт ауданы шамамен 1000 шаршы метрді құрады, өрт сөндірушілер отты төрт сағаттан астам уақыттан кейін сөндірді.

Оқиғаның себебін тергеу шамамен бір жылға созылды. Оның қорытындысы бойынша өрт электр сымдарының қысқа тұйықталуынан болғаны анықталды.

Гипермаркет өрттің ортасында болмаса да оның тауарлары қатты зақымданды. Өнімнің бір бөлігіне қара күйе түсіп, күйіктің иісі сіңіп қалған, екінші бөлігі өрт сөндірген кезінде су мен көбіктен зақымданды, сондықтан оны сату мүмкін болмады.

Кәсіпорын иесінің бағалауы бойынша жалпы залал 1 млрд 100 млн теңгеден асты. Франшизаны есептен шығарғаннан кейін Alatau City Garant сақтандыру компаниясы шамамен 1 миллиард теңге өтемақы төледі.

Бүгін, 15:40