Атырауда күйеу баланың қолынан қаза болған отбасы: қанды оқиғаға қатысты тың ақпарат шықты

АЛМАТЫ, 24 сәуір – Sputnik. Атырау облысындағы Жангелдин ауылында бір отбасының 4 мүшесі өлтірілген қанды оқиғағы қатысты тың ақпарат айтылды, деп хабарлайды Sputnik Қазақстан.

Облыстық полиция департаменті сотқа дейінгі тергеуді жалғастырып жатыр. Отбасының ұлы 2025 жылдың мамырында, ал қалған үш адам қарашада өлтірілгені анықталды. Олардың әрқайсысына алты және одан көп пышақ жарақаты салынған.

"Күдікті кеуде, мойын және басқа да маңызды мүшелеріне пышақ сұққан", - дейді облыстық прокуратура.

Екінші күдікті - Сәрсемалиевтің бұрынғы әйелі Мұқанғалиеваға қатысты Алматыда кешенді сот психиатриялық сараптама тағайындалған, бірақ қорытындысы әлі дайын емес.

"Күдікті Сұлтан Сарсемалиевке жүргізілген психиатриялық сараптама қорытындысына сәйкес, ол өз әрекетіне есеп бере алады және тергеуге қатысуға қабілетті", - делінген хабарламада.

2025 жылдың қараша айында Атырау облысында төрт адамнан тұратын отбасы жоғалып кетті. 2026 жылдың қаңтар айында отағасы мен оның әйелінің денесі өз үйіндегі сарайдан табылды, ал олардың ересек екі баласының мәйіті күдікті ұсталғаннан кейін наурыз айында бір-ақ табылды.