Атырауда мектеп ішінде оқушыны пышақтап кетті

Атыраудағы қанды оқиға Қонаев атындағы Binom мектебінде болған, – деп хабарлайды Aikyn.kz сайты.

8-сынып оқушысын белгісіз жағдайда пышақтап кеткен. Қыз бала ауыр жағдайда балалар ауруханасына жеткізілді, жағдайы ауыр. 

Атырау облысы полиция департаменті жағдайды растады.

"13 наурыз күні Атырау қаласындағы мектептердің бірінде 8-сынып оқушысы жарақат алды. Оқиға орнына жедел түрде жедел жәрдем мен полиция қызметкерлері келді. Зардап шеккен оқушы облыстық балалар ауруханасына жеткізілді.

Алдын ала мәліметтерге сәйкес, 9-сынып оқушысы үшкір затпен жарақат салған.

Күдікті ұсталып, ата-анасымен бірге полиция бөліміне жеткізілді.

Барлық процессуалдық әрекет оның заңды өкілдерінің қатысуымен жүргізілуде.

Аталған дерек бойынша қылмыстық іс қозғалды. Сондай-ақ, бала тәрбиесімен тиісінше айналыспаған ата-анасы да жауапкершілікке тартылатын болады” делінген полиция департаменті таратқан мәліметте.

Баян Жанұзақова