Атырауда полицияның арнайы қабылдау орнына қамалған адам өлі күйінде табылды

2026 жылғы 29 наурызда Атырау қалалық полиция басқармасының арнайы қабылдау орнында әкімшілік қамауға алынған 55 жастағы ер адамның жансыз денесі табылды, деп хабарлайды Arasha.kz.

Ол мұнда 25 наурызда ҚР ӘҚБтК-нің 73-бабы 2-бөлігі («Отбасы-тұрмыстық қатынастар саласындағы құқыққа қайшы әрекеттер») бойынша 24 жастағы ұлының арызы негізінде он тәулік мерзімге қамалған, деп жазды АқЖайық басылымы.

Алдын ала мәліметтер бойынша, ер адам камерада трикосының бауын пайдаланып, екі қабатты кереуеттің құрылымына асылып, өз-өзіне қол жұмсаған.

Күдікті табылғаннан кейін оқиға орнына тиісті қызметтер шақырылғанымен, оны аман алып қалу мүмкін болмады. Полиция департаменті болған оқиғаға байланысты қылмыстық іс қозғалғанын хабарлады.

- Өз-өзіне қол жұмсау дерегі бойынша қылмыстық іс қозғалды. Оқиғаның мән-жайы анықталуда. Тергеу мүддесіне сай өзге ақпарат жария етуге жатпайды, - деп мәлімдеді ведомстводан.

Сонымен қатар, бұл оқиға қоғамда сұрақтар туғызып отыр. Мұндай мекемелерде өз-өзіне қол жұмсау мүмкіндігін болдырмау үшін ұсталғандардан әдетте қауіпті заттар, соның ішінде белдіктер мен баулар алынып тасталады.

Тергеу аясында қауіпсіздік шараларының сақталуына және арнайы қабылдау орны қызметкерлерінің іс-әрекетіне құқықтық баға берілетін болады.