Атырауда жастардың рухани иммунитетін қалыптастыруға арналған форум өтті

Атырауда «жастардың рухани иммунитеті - қоғам мен білім беру ұйымдарының  ортақ жауапкершілігі» атты форум өтті.

Онда жас ұрпақтың санасында жат дүниелерге қарсы иммунитет қалыптастырып, ақпараттық қауіпсіздікпен қамтамасыз ету жайы айтылды. Қалалық білім беру бөлімі ұйымдастырған форумға полиция , прокуратура және дін өкілдері шақырылды. Ал облыс орталығындағы 69 мектептің жоғары сыныбында оқитын 14 мыңнан астам оқушы онлайн форматта қатысты. 

Жасөспірімдерге арналған форум ерекше форматта басталды. Қала мектептерінің белсенді оқушылары жат ағымның қатері туралы шағын скетч дайындаған. Олар қоғамдағы келеңсіздіктің әсері мен ата-ана үшін қандай қасірет боларын көрсеттті. Шараға мектеп директорлары мен тәрибе ісі жөніндегі орынбасарлары, белсенді оқушылар және құқық қорғау органдарының өкілдері жиналды. Олар білім ошақтарындағы тәрбиеге қатысты шараларды саралады.

Құрмангүл Ахмедьярова, мектеп директорының орынбасары:

- Осы бағытта біздің мектебімізде түрлі жобалар ұйымдастырылуда. Атап айтқанда, «Қамқор» жобасы, «балалар кітапханасы», «Смарт бала» жобалары осы жобалар ақылы оқушылардың өзіндік өмірден орнын табуға үлкен қосады деп есептеймін.

Сондай-ақ форумға облыс орталығындағы 69 мектепте оқитын 9 бен 11-сынып аралығындағы 14 мыңға жуық жасөспірім онлаин форматта қатысты. Олар құқық қорғау органдары мен дін істері басқармасы өкілдерінің дәрісін тыңдады.

Айнагүл Дүйсекенова, қалалық білім бөлімінің басшысы: 

- Бұл шараның басты мақсаты жасөспірімдердің, соның ішінде мектеп жасындағы балалардың  дүниетанымын қалыптастырудағы тәрбие процессінің маңыздылығын арттыру және қоғамдағы әртүрлі келеңсіз жағдайлар мен теріс ағымдардың жетегіне еріп кетпейтіндей етіп, олардың түсінігін қалыптастыру. 

Мемлекет басшысы өз Жолдауында: «Жастардың бойында ұлттық рух пен заманауи білім тең үйлесуі тиіс» деп атап көрсеткен болатын. Форумда сөз алғандар бала тәрбиесіндегі мектептің ролі, ата-аналармен байланыс мәселелері туралы ойлдарын ортаға салды. 

Арыстанбек Кенже, Айбек Байзақов, Жандос Рахметуллин