Атыраудағы ірі мұнай кен орны маңында әскери техника пайда болды

Желіде Жылой ауданындағы стратегиялық нысандардың жанындағы әскерилер мен арнайы техника түсірілген кадрлар тарады. Әскерилер дрондардың пайда болу ықтималдығына қарсы әрекет ету дайындығын пысықтап жатқан болуы мүмкін, деп хабарлайды Arasha.kz.

Әскерилер мұнай-газ нысандарына ұшқышсыз ұшу аппараттарымен (БПЛА) шабуыл жасалған жағдайда бөлімшелердің үйлесімді қимылын реттеп жатыр ма? Қазақстанның Қорғаныс министрлігі техниканың пайда болуын жауынгерлік дайындық аясындағы Әуе шабуылына қарсы қорғаныс (ӘШҚО) бөлімшелерін жоспарлы қайта орналастырумен түсіндірді.

Жақында еліміздің батысында «белгісіз аппарат» табылды. Әңгіме «сырттай дрон сынықтарына ұқсайтын» заттар туралы болып отыр.

Айтпақшы, кеше «Батыс» өңірлік қолбасшылығының әскерлерінің қолбасшысы Бауыржан Артықов қызметінен босатылды. Ол бұл лауазымды 2024 жылдың ақпанынан бері атқарып келген. 2025 жылдың қаңтарында оның есімі мерзімді қызметтегі сарбаз Марат Барқұловтың қазасына қатысты тергеуде аталған болатын.