Атыраулық құтқарушылар өртенген үйден 40 адамды сыртқа аман шығарды

– Оқиға орнына ТЖМ күштері жедел жетті. Автосатының көмегімен және баспалдақ маршы арқылы 10 адам, оның ішінде 2 бала құтқарылды. Сонымен қатар 30 адам, оның ішінде 10 бала эвакуацияланды, – деп хабарлады ТЖМ баспасөз қызметі.

Қазіргі таңда өрт толығымен сөндірілген. Абырой болғанда зардап шеккендер жоқ. Яғни құтқарушылардың жедел әрі үйлесімді әрекетінің арқасында салдары аса ауыр жайттарға жол берілмеді.

Айта кетейік, қарағандылық құтқарушылар батпаққа батқан екі жасөспірімді аман алып шықты.