Ауыл шаруашылығы деректерін біріктіретін Е АӨК платформасы іске қосылады

Мемлекет басшысының тапсырмасына сәйкес, Ауыл шаруашылығы министрлігі ауыл шаруашылығы саласындағы деректердің анықтығы мен сенімділігін қамтамасыз етуге бағытталған «Е-АӨК» платформасын құруды жоспарлап отыр.

Аталған платформа саланың барлық ақпараттық жүйелерін біріктіріп, деректерді орталықтандырып сақтауды қамтамасыз етеді. Оның негізінде салалық көрсеткіштерді кешенді әрі үздіксіз мониторингтеуге мүмкіндік беретін дамыған BI-талдау жүйесі қалыптастырылады. Бұл жүйе субсидиялау және мемлекеттік қызметтер көрсету үдерістерінің ашықтығын қамтамасыз етіп, негізгі тиімділік көрсеткіштерін (KPI) бақылауға, сондай-ақ уақтылы әрі негізделген басқарушылық шешімдер қабылдау үшін қажетті жедел және талдамалық есептілікті қалыптастыруға мүмкіндік береді.

Платформаны құру барлық қатысушы үшін бірқатар артықшылық ұсынады. Мәселен, мемлекет өз кезегінде өндіріс, субсидиялау және инвестициялар бойынша сенімді талдамалық базаға ие болады; фермерлер әкімшілік жүктемені азайта отырып, қызметтер мен қаржылық құралдарға қолжетімділікті жеңілдетеді; ал қаржы секторы тәуекелдерді бағалау мүмкіндіктерін кеңейтеді.

Мемлекет деректерге бақылауды сақтайды, ал барлық шешімдер Қазақстанның заңнамасына сәйкестендіріліп, технологиялық бейтараптық пен бәсекелестік қағидаттарын сақтай отырып қабылданады.

Платформаны құру жұмыстары салалық мамандар мен негізгі қатысушылардың қажеттіліктерін ескеріп, кезең-кезеңімен жүзеге асырылады.

Айта кетелік елімізден өсімдік майын қай елдер көптеп сатып алатыны туралы жазған едік.