Аватар. От пен күл фильмі қазақ тілінде көрсетіледі

17 желтоқсанда Алматы қаласында жылдың ең ауқымды кинематографиялық оқиғасы – «Аватар: От пен күл» фильмінің тұсаукесер көрсетілімі өтті. Режиссер Джеймс Кемеронның аңызға айналған франшизасының жалғасы – «Аватар. От пен күл» фильмі кинотеатрларда 18 желтоқсаннан бастап қазақ және орыс тілдерінде көрерменге жол тартты, деп хабарлайды Egemen.kz.

Премьера қонақтарының қатарында танымал актерлер Артур Аскарұлы, Санжар Мәди, белгілі актрисалар Әсел Қалиева, Нұрай Жеткерген, режиссер және продюсер Қуаныш Бейсек, продюсер әрі интервьюер Тимур Балымбетов, музыкант dudeontheguitar, әнші Ayau, стендап-комик Шыңғыс Ермек, сондай-ақ танымал блогерлер Азиза Айбадуллина, Біржан Әшім және басқа да өнер өкілдері болды. Сонымен қатар премьераға «Аватар: От пен күл» фильмінің дубляж режиссері Шах-Мұрат Ордабаев та қатысты.

«Біз үшін қазақстандық көрермендердің «Аватар: От пен күл» фильмін өз ана тілінде тамашалай алуы – ерекше маңызды. Бұл премьера – жылдың ең маңызды оқиғаларының бірі. Ал біз үшін, дистрибьютор ретінде жылды ауқымды әрі бірлікке шақыратын шарамен қорытындылауға берілген мүмкіндік. Бұл фильм отбасын бір шаңырақ астына жинап, ұрпақтар сабақтастығын нығайтады, отбасылық құндылықтардың маңызын еске салады. Әлемдік премьераны өз ана тілінде көру көрермен үшін шынымен де маңызды. Бұған Disney студиясының «Аңдар шаһары 2» анимациялық фильмінің қазақша дубляжының көрсеткіші дәлел бола алады. Фильм Қазақстандағы жалпы кассалық табыстың 15,7%-ын құрады. Бұл бұған дейінгі голливудтық фильмдердің қазақша нұсқаларынан жоғары нәтиже көрсетті. Қазақстандық көрермендердің визуалдық мүмкіндіктері, ауқымы мен еліктірер оқиғасы тәнті ететін осы бірегей тарихтың бір бөлігіне айналып жатқанын көру – біз үшін үлкен қуаныш», деді Ascar Cinema компаниясының маркетинг директоры Динара Чеканова.

«Енді әлемдік киноиндустрияның ең ауқымды жобаларының бірі – «Аватар» фильмінің үшінші бөлімін қазақ тілінде көреміз. Бұл – жай ғана аударма емес, қазақ тілінің жаһандық мәдени кеңістікте өз орны қалыптасып келе жатқанының белгісі. «Аватар» – тұтас өркениет пен философияны қамтитын әлем. Сол әлемнің қазақша сөйлеуі – тіліміздің мүмкіндігі мен әлеуетін арттырып, оны заманауи мәдениеттің толыққанды тіліне айналдырады деп сенеміз», деді Халықаралық «Қазақ тілі» қоғамының президенті Рауан Кенжеханұлы.

Соңғы жаңалықтар

Оқушыға мамандық таңдауға көмектесетін бот пайда болды

Білім • Бүгін, 17:10

Қаңтар айындағы ҰБТ-ға өтініш қабылдау қашан басталады?

Білім • Бүгін, 17:06

Бүгін елордада дрондар шоуы өтпейтін болды

Оқиға • Бүгін, 16:50

ІІМ жүргізуші куәлігін мерзімінен бұрын ауыстыру туралы ақпаратты жоққа шығарды

Оқиға • Бүгін, 16:42

Мектептерде сынып ішіне бақылау камерасын қоюға рұқсат етіле ме?

Білім • Бүгін, 16:33

Шымкент тұрғыны заңсыз газдалған сусын өндіріп сатқан

Оқиға • Бүгін, 16:24

АҚШ Грин-картадан неге бас тартты?

Әлем • Бүгін, 16:20

Самара – Шымкент тасжолындағы апаттан екі адам қаза тапты

Оқиға • Бүгін, 16:00

Тарихи алтын: Қазақстан құрамасы голболдан топ жарды

Спорт • Бүгін, 15:55

Бүгін «Астана Арена» маңында көлік қозғалысына шектеу қойылады

Елорда • Бүгін, 15:40

Nazarbayev University докторантураға 200 грант бөледі

Білім • Бүгін, 15:32

Астанада бір күнде екі адам өзіне қол жұмсады

Төтенше жағдай • Бүгін, 15:30

Президент: Жаһандық қауіпсіздік жүйесін ядролық қарумен ұстап тұруға болмайды

Президент • Бүгін, 15:20

Президент Алматыда БҰҰ университетінің өңірлік филиалын құруды ұсынды

Президент • Бүгін, 15:00

Ел құрамасы қысқы Олимпиада ойындарына тағы 12 лицензия жеңіп алды

Қысқы спорт • Бүгін, 14:50

Барлық жаңалықтар