Әзірбайжан Ресейге наразылық нотасын тапсырды

6 ақпанда Ресейдің Әзірбайжандағы елшісі Михаил Евдокимов Әзірбайжан Сыртқы істер министрлігіне шақырылды, деп хабарлайды Arasha.kz.

Әзербайжан СІМ баспасөз қызметінің мәліметінше, кездесу барысында әзірбайжандық тарап Ресей Мемлекеттік Думасының ТМД істері, еуразиялық интеграция және отандастармен байланыс жөніндегі комитеті төрағасының бірінші орынбасары Константин Затулиннің 5 ақпандағы мәлімдемесіне байланысты кескінді наразылық білдірген. Затулиннің бұл мәлімдемесі Әзірбайжанда Армения Республикасы азаматтарының сотталуына қатысты болған.

Осыған байланысты ресейлік тарапқа ресми нота тапсырылды.

СІМ Затулиннің ұзақ уақыт бойы Әзірбайжанның егемендігі мен аумақтық тұтастығына қарсы шығып келе жатқанын, сепаратизмді ашық қолдайтынын және Арменияның Әзірбайжанға қарсы әскери агрессиясы кезінде бейбітшілік пен адамзатқа қарсы қылмыс жасаған, сондай-ақ әскери қылмыстар үшін кінәлі деп танылған Армения азаматтарына қатысты сот шешімдерін бұрмалауға тырысатынын атап өтті. Министрлік мұндай мәлімдемелерді қабылданбайтын әрекет деп атады.

Әзірбайжан Ресейді Затулин сияқты тұлғалардың іс-әрекетін тоқтату үшін шаралар қолдануға шақырды. Сондай-ақ, мұндай мәлімдемелер аймақтық тұрақтылық пен Әзірбайжан-Ресей қарым-қатынасына нұқсан келтіретінін атап өтті.