БАӘ қуат көздерінен таршылық көріп отыр

Араб әмірліктері де энергияға зәру.

Сол себепті бұл салаға инвестицияны молынан тартып жатыр. Қазір ішкі нарықта өндірілетін жалпы электр энергиясының 30 пайызы жаңартылған қуат көзіне тиесілі. Көрсеткіш 2030 жылға қарай 55 пайызға жетуі мүмкін. Сөйтіп, Абу-Даби жасанды инлеллект дәуіріндегі электр қуатына деген сұранысты экологиялық әрі экономикалық тұрғыда өтеуге бейіл. Бұл орайда жыл он екі ай салқындату жүйелері еш тоқтамай, «data» орталықтары үздіксіз қызмет ететін әмірліктер жасыл энергия өндіруге ерекше мән беріп отыр. Бастама дәстүрлі газ электр станцияларына деген ауыртпалықты тұрақтандырып, төмен көміртекті қуат көздерін көптеп пайдалануды көздейді. Яғни атом энергетикасы мен күн және жел генерациясын дамытуды қатар қолға алған. 

Абдулазиз Алобаидли БАӘ энергетикалық компаниясының бас операциялық директоры:

- Сұраныстың үздіксіз өсуі бір есептен өндірісті дамытуға оң әсер етеді. Энергетика жүйелеріндегі көміртек мөлшерін азайтуға сеп болып, жаңартылған қуат көздері өндірісін керісінше көбейтеді. Біз әмірлікте осыған көз жеткізіп отырмыз. Қазір елде экологиялық таза электр қуатын тәулік бойы пайдалану жөніндегі бастама ұсынылды. Бұл тәсіл күн мен жел энергиясын цифрлық басқару жүйелерімен біріктіру арқылы белгілі бір аумаққа 24 сағат бойы тұрақты жеткізіп тұруға бағытталған.