Бағасы қанша және рейстер қашан басталады: Air Astana Токиоға ұшуды бастайды

Қазақстандық Air Astana әуе компаниясы Алматы – Токио бағытында жаңа тұрақты рейстерді іске қосатынын жариялады. Әуе билеттерін сату басталып кетті.

Жапония астанасына алғашқы рейс 30 қарашаға жоспарланған. Ұшулар аптасына екі рет Нарита халықаралық әуежайына орындалады.

Бағыт бойынша ұзақ қашықтыққа ұшатын Airbus A321LR әуе кемелері пайдаланылады. Алматыдан Токиоға ұшу шамамен 7 сағат 30 минутқа созылады, ал кері рейс шамамен 9 сағат 25 минут уақыт алады.

Токио 2026 жылы әуе тасымалдаушы іске қосқан 22-ші жаңа бағыт болады. Тікелей әуе бағыты іскерлік сапарларды жеңілдетіп, өзара туризмді дамытуға ықпал етеді және Алматының Орталық Азиядағы негізгі авиациялық хаб ретіндегі мәртебесін нығайтады деп күтіледі.

Бүгін, 11:28