БАЙТАҚ партиясы Экология және адам денсаулығы ұғымын мемлекеттің базалық құндылығы ретінде бекітуді ұсынды

Астанада Қазақстанның «БАЙТАҚ» жасылдар партиясы Саяси кеңесінің кеңейтілген пленарлық отырысы өтіп, онда ел дамуының келешегін айқындайтын Конституцияның жаңа жобасы жан-жақты талқыланды. Офлайн және онлайн форматта ұйымдастырылған жиынға партия филиалдарының жетекшілері, мәслихат депутаттары, сарапшылар мен белгілі қоғам қайраткерлері қатысты, деп хабралайды Egemen.kz.

Отырысқа төрағалық еткен партия Төрағасы Азаматхан Әміртаев өз баяндамасында Мемлекет басшысы Қасым-Жомарт Тоқаевтың бастамасымен жүзеге асып жатқан Конституциялық реформаның саяси негіздеріне тоқталды. Оның айтуынша, бұл реформа заң шығару үдерісінің тиімділігін арттыруға, билік тармақтарының дербестігі мен жауапкершілігін күшейтуге, мемлекеттік басқару жүйесінің орнықтылығын қамтамасыз етуге бағытталған. Сондай-ақ Конституциялық реформа жөніндегі комиссия жұмысының кең қоғамдық қатысумен өтіп жатқанын, e-Otinish платформасы арқылы 1 000-нан астам ұсыныс түскенін атап өтті. 

Партия Төрағасы жаңа Конституция жобасында экология мен адам денсаулығы арасындағы байланыстың тұңғыш рет негізгі заң деңгейінде айқын әрі күшейтілген түрде бекітілуіне ерекше назар аударды. Оның пікірінше, «таза ауа, таза су және қауіпсіз қоршаған орта – азаматтардың өмір сапасын айқындайтын басты факторлар, әрі мемлекеттің болашақ ұрпақ алдындағы тікелей жауапкершілігі». Осыған байланысты «БАЙТАҚ» партиясы Конституцияның 8-бабында «Экология және адам денсаулығы» ұғымын мемлекеттің базалық құндылығы ретінде жеке тармақпен бекітуді ұсынды.

Еркін Әбіл: Тарихи сабақтастықты Конституцияда бекіту – ұлт жадын қорғау

Кеңейтілген отырыста партияның Атқарушы хатшысы Бекберген Керей «Конституция: экология мен даму арасындағы тепе-теңдік» тақырыбында баяндама жасап, жаңа Конституция экологияны мемлекеттік саясаттың жекелеген бағыты емес, қоғамдық дамудың құндылықтық негізі ретінде айқындайтынын айтты. Ал Алматы қалалық филиалының төрағасы Алма Қарашқызы «Адамға бағдарланған мемлекет моделі» жөніндегі сөзінде жаңа Конституция жобасында адам, оның өмірі, құқықтары мен бостандықтары мемлекеттің ең жоғары құндылығы ретінде бекітілгенін атап өтті.

Партия Төрағасының кеңесшісі Мұрат Ташибаев «Қазақстандағы конституциялық реформаның халықаралық-құқықтық аспектілері» тақырыбындағы баяндамасында жаңа Конституцияны қабылдау Қазақстан халқының өзін-өзі анықтау құқығын жүзеге асырудың заңды нысаны екенін жеткізді. Оның айтуынша, реформа халықаралық міндеттемелерді орындауға, адам құқықтарын қорғау тетіктерін күшейтуге, сот жүйесінің тәуелсіздігін нығайтуға және азаматтардың мемлекеттік басқаруға қатысуын кеңейтуге бағытталған.

Саяси кеңес мүшесі, жас тарихшы Шыңғыс Үсенқұл жастар атынан сөз сөйлеп, Конституция жобасында Ұлы Даланың мыңжылдық мемлекеттілік дәстүріне сілтеме жасалуының маңызын атап өтті. Оның пікірінше, «Ұлы Дала» ұғымы Еуразия кеңістігінде қалыптасқан мемлекеттілік, құқықтық жүйе мен саяси мәдениеттің тарихи сабақтастығын білдіреді.

Қазақ - Ұлы дала заңына бас иген, ар-ұяттан аттамаған халық - Қ.Тоқаев

Бастауыш партия ұйымының басшысы Сергей Качанов жаңа Конституция жобасын толық қолдайтынын білдіріп, партия тарапынан өңірлік және бастауыш деңгейде түсіндіру, ақпараттық жұмыстарды жүйелі түрде жүргізуге дайын екенін айтты. Ол азаматтарды қоғамдық талқылауға кеңінен тартудың маңызын да ерекше атап өтті.

Отырыс қорытындысы бойынша «БАЙТАҚ» жасылдар партиясы Конституцияның жаңа жобасын адамға бағдарланған, экологиялық жауапты және институционалдық тұрғыдан негізделген құжат ретінде толық қолдайтынын мәлімдеді. Партия алдағы уақытта да Конституция жобасын қоғамдық талқылауға белсенді қатысып, өңірлерде түсіндіру және ақпараттық жұмыстарды жүйелі түрде жалғастыра бермек.

Ұлы дала – көшпенділер өркениетінің алтын бесігі

Соңғы жаңалықтар

«БАЙТАҚ» партиясы «Экология және адам денсаулығы» ұғымын мемлекеттің базалық құндылығы ретінде бекітуді ұсынды

Ата заң • Бүгін, 17:45

Аида Балаева арандатушылық әрекеттерге қатысты мәлімдеме жасады

Қоғам • Бүгін, 17:37

Салық берешегі қай межеден асса, есепшот бұғатталады?

Экономика • Бүгін, 17:27

5G трафиктің айтарлықтай бөлігін иеленіп үлгерді

Қоғам • Бүгін, 17:17

Отандық электробустар Пәкістанға жол тартты

Қоғам • Бүгін, 17:08

Мемлекет басшысы Пәкістан Премьер-министрімен кеңейтілген құрамда келіссөз жүргізді

Президент • Бүгін, 16:45

Дәріханалар неге әлеуметтік маңызы бар дәрілерді сатып алудан бас тартып отыр?

Қоғам • Бүгін, 16:37

Мұхтар Шаханов өз атынан тараған жалған ақпаратты жоққа шығарды

Қоғам • Бүгін, 16:28

Нобель көрмесі: Демократияға төнген қатер Венесуэла мысалында көрсетіледі

Әлем • Бүгін, 16:15

«Қазатомөнеркәсіп» акцияларының бағасы шарықтады

Экономика • Бүгін, 16:03

Алматы облысының «Qonaev Media» телеарнасы несімен ерекшеленеді?

Оқиға • Бүгін, 15:55

Екі облыста республикалық маңызы бар жолдар жабылды

Оқиға • Бүгін, 15:46

Атырауда кәсіпкерлер жұмысшылармен міндетті сақтандыру шартын жасамаған

Оқиға • Бүгін, 15:33

Вице-президент және Халық кеңесі: Жаңа Ата Заң жобасы Варшавада таныстырылды

Ата заң • Бүгін, 15:13

Майкл Джексон туралы фильмнің трейлері жарық көрді: Джаафар Джексон ағасының рөлін қалай сомдады?

Мәдениет • Бүгін, 15:00

Барлық жаңалықтар