Балаларынан қысым көрді деген азаматтың ісі: жаңа деректер пайда болды

Жетісу облысында балаларынан қысым көргенін айтып, көмек сұраған ер адамға қатысты оқиға жаңа мәліметтермен толықты, – деп хабарлайды Aikyn.kz сайты.

Еске салайық, бұған дейін Бақытбек есімді азамат балалары өзінен ақша талап етіп, бермеген жағдайда күш көрсететінін, тіпті аязды күні далаға қалдырғанын мәлімдеген еді.

Бірақ бұл жағдайға байланысты оның жұбайы әлеуметтік желіде жауап беріп, аталған ақпаратты жоққа шығарды.

Оның айтуынша, балалар әкесіне себепсіз тиіспейді, ал олардың ренішіне ер адамның жеке өміріне қатысты жағдайлар себеп болған.

Осылайша, отбасы ішіндегі жағдайға қатысты екі түрлі пікір айтылып отыр. Қазіргі уақытта бұл мәселеге байланысты ресми органдар тарапынан нақты түсініктеме берілген жоқ.