Бали аралында ресейлік блогерге шабуыл жасады деп айыпталған қазақ моделі елге оралды

Қазақстандық модель Гүлсезім Алтайбекова ресейлік блогер Карина Фадееваға шабуыл жасады деген мәлімдемеден кейін желіде танымал болған еді, деп хабарлайды Arasha.kz.

Гүлсезім Алтайбекова елге оралғаны туралы TikTok әлеуметтік желісінде жазды.

Бұған дейін Алтайбековаға қатысты іс жабылған. Зардап шеккен тарап бұл туралы 5 ақпанда өзінің Telegram-арнасында хабарлаған.

«Іс жабылды, жаза — өтемақы төлеу және төрт апта түрме. Мен оны кешіремін. Егер адам сабақ алмаса, өмір бәрібір ерте ме, кеш пе, бәрін өз орнына қояды», — деп жазды ол.

Оқиғадан кейін қазақстандықтар отандасын белсенді қолдаған еді. Пікірлерде қолданушылар Алтайбекованы «батыр қыз» деп атаған. Өз кезегінде ол мұндай танымалдықты күтпегенін айтты.