Бәліш пен балмұздақ жеген: Ақмолада балалар лагерінде алты бала уланды

Ақмола облысының Санитариялық-эпидемиологиялық бақылау департаментінің мәліметі бойынша, 1 шілде күні аймақта жыл бойы жұмыс істейтін лагерьдегі балалар арасында тамақтан улану оқиғасы тіркелді. Алты бала зардап шекті, – деп хабарлайды Aikyn.kz cайты.

"Облыстық Санитариялық-эпидемиологиялық бақылау департаментінің мамандары лагерьдегі тамақ өнімдерінің, су үлгілерін жинауға және қызметкерлерді ішек патогендерін тексеруге жіберді", – деп түсіндірді ведомство.

Облыстық Білім беру басқармасы да  Lingvo Camp  жекеменшік лагеріне барып, түсініктеме жасады.

"29 маусымда балаларға Бурабайға экскурсия ұйымдастырылды. Экскурсия кезінде сағат 11:00-ден 16:00-ге дейін лагерь әкімшілігі азық-түлікпен қамтамасыз етті. 30 маусымда білім беру бағдарламасына және бекітілген күнделікті кестеге сәйкес балалар лагерь аумағында қалды. Сол күні лагерьден тыс жерлерге ешқандай сапар болған жоқ", – деп хабарлады ведомство.

Ақмола облысының Денсаулық сақтау басқармасы оқиғаны растады. Олардың мәліметінше, 30 маусымнан 1 шілдеге қараған түні балалардың Біржан сал аудандық ауруханасының жедел жәрдем бөліміне іштері өтіп, құсып жатқанына шағымданған.

"Балалардың айтуынша, олар алдыңғы күні бәліш пен балмұздақ жеген. Тексеру кезінде балаларда жедел ішек инфекциясының белгілері байқалды. Екі бала Біржан сал аудандық ауруханасында қалдырылды, ал қалғаны қазір ем қабылдап жатқан облыстық балалар ауруханасына жіберілді. Балалардың жағдайы тұрақты және өздерін жақсы сезінеді. Олар бақылауда, диагноз қойылып жатыр. Екі баланы стационарлық емдеуге ешқандай көрсеткіш жоқ. Олар лагерьге аман-есен жіберілді", – деп түсіндірді Ана мен бала бөлімінің меңгерушісі Гүлмира Мұқашева.