Балтық елдері мен Венгрия Украина жөніндегі келіссөзге алаңдаушылық білдірді

АСТАНА, 16 тамыз – Sputnik. Еуропаның кейбір елдері Украинадағы қақтығысты реттеу жөніндегі ықтимал келіссөзде Берлин мен Париж өз мүддесін қорғай алатынына күмән келтіріп отыр. Бұл туралы The New York Times газеті үш еуропалық шенеунікке сілтеме жасап жазды.

"Кейбір шағын мемлекеттер, әсіресе Ресей және Украинамен шектесетін Балтық елдері мен Венгрия Германия мен Францияға толықтай сенбейді", — деп жазды газет.

Басылымның мәліметінше, Франция, Германия және Ұлыбритания АҚШ президенті Дональд Трамптың келіссөз процесінен шет қалу қаупіне алаңдап, келіссөздің балама жоспарын әзірлеп жатыр. Бұл ретте негізгі рөлді Париж бен Берлин атқарды. Ал Ұлыбритания АҚШ президентімен қарым-қатынасты ушықтырып алмау үшін бұл мәселеде сақтық танытып отыр.