“Барлық жағдай бірдей жымқыру емес“. Депутаттың “жағымсыз“ құжат туралы мәлімдемесіне жауап берілді

Республикалық жеке сот орындаушылар палатасы депутат Бақытжан Базарбектің ауқымды заңбұзушылықтар туралы мәлімдемесіне пікір білдіріп, жарияланған фактінің барлығын бірдей жымқыру деп санауға болмайтынын атап өтті. Бұл туралы палата басқармасының төрағасы Нұржан Арынғазинов айтты, деп хабарлайды Tengrinews.kz тілшісі.

Республикалық жеке сот орындаушылар палатасы депутат Бақытжан Базарбектің ауқымды заңбұзушылықтар туралы мәлімдемесіне пікір білдіріп, жарияланған фактінің барлығын бірдей жымқыру деп санауға болмайтынын атап өтті. Бұл туралы палата басқармасының төрағасы Нұржан Арынғазинов айтты, деп хабарлайды Tengrinews.kz тілшісі.

Мәжіліс кулуарында Арынғазинов 29 сәуірде Мәжілісте жеке сот орындаушылар жұмысындағы заңбұзушылықтар туралы Бас прокуратура ұсынысындағы деректерді оқыған депутат Бақытжан Базарбектің мәлімдемесіне қатысты пікір білдірді.

Республикалық палата басшысының айтуынша, бірқатар жағдайда мәселе ақшаның сот орындаушысының шотында ұзақ уақыт тұрып қалуына қатысты болуы мүмкін, бірақ бұл міндетті түрде жымқыру дегенді білдірмейді.

"Ақшаны өз шотында ұзақ уақыт ұстау фактісі бар, бірақ бұл қаражат жымқырылды деп айта алмаймыз", - деді Республикалық жеке сот орындаушылар палатасының басшысы.

Ол шамамен 300 миллион теңгеге қатысты жағдайды мысалға келтірді. Оның айтуынша, Астанадағы сот орындаушысы алимент бойынша берешекті анықтап, бұл ақшаны өндіріп алушыға аударған.

"Ақша өндіріп алушыға кетті, өйткені сот орындаушысының 300 миллион теңге көлеміндегі алимент берешегін анықтау туралы қаулысы болды. Оған ешкім шағымданған жоқ және ол жойылған жоқ", - деп түсіндірді Нұржан Арынғазинов.

Сондай-ақ ол алиментке қатысты эпизодтарға тоқталды. Оның айтуынша, мұндай жағдайлардың бір бөлігі қосымша бағалауды талап етеді, өйткені ақша сот орындаушысының шотында болуы мүмкін, бірақ процедуралық бұзушылықтар салдарынан уақтылы аударылмаған.

ОБСУЖДАЕТСЯ СЕЙЧАС

Медалін шешуді ұмытып кеткен қазақстандық спортшы әуежайда қызық жағдайға тап болды

Бүгін 08:10 1

"Алимент бойынша айтылған фактілер бар, жеке сот орындаушысы алимент ақшасын жымқырды-мыс. Бұл жерде де мәселе екіұшты", - деді палата төрағасы.

Оның сөзінше, бірқатар жағдай бойынша материалдар құқық қорғау органдарына расында да берілген. Арынғазинов шамамен 8–12 іс туралы сөз болуы мүмкін деді, алайда нақты санын айта алмады.

"Ол жерде расталған фактілер бар. Қарағанды облысы мен Астана бойынша фактілер болды. Бірақ, өздеріңіз білетіндей, тергеуді құқық қорғау органдары жүргізеді. Сәйкесінше, менің ойымша, шығын өтелгендіктен барлық қылмыстық іс тоқтатылды", - деді ол.

Арынғазиновтың пікірінше, сот орындаушысының шотынан ақша үшінші тұлғалардың шоттарына кеткен жағдайды ғана жымқыру деп санауға болады. Мұндай жағдайда палата лицензиядан айыру және жеке сот орындаушыларына қатысты қылмыстық іс қозғау мәселесін қояр еді.

"Бірақ ақша сол сот орындаушысының шотында болғандықтан, ал бұл өндіріп алушылардың ақшасын сақтауға арналған шот, оның іс-әрекеті процедуралық бұзушылықтарға жатады. Сондықтан ол қатаң жауапкершілікке тартылды", - деді ол.

Бұл ретте палата басшысы ақшаны депозиттерге аудару заңсыз екенін, қаражат арнайы шотта сақталуы тиіс екенін атап өтті.

Сондай-ақ Арынғазинов егер әңгіме азаматтардың құқықтарын айтарлықтай бұзатын әрекеттер туралы болса, палата жеке сот орындаушыларының жауапкершілігін күшейтуді қолдауға дайын екенін мәлімдеді.

"Депутаттар жауапкершілікті күшейтуді қолдап отыр. Негізінде, біз мұнымен келісеміз. Егер азаматтардың құқықтарының елеулі бұзылуына әкеп соғатын іс-әрекеттер нақты көрсетілсе, біз бұл жауапкершілікті, тіпті санкцияның өзін қатайтуға келісеміз. Бұл шара нәтиже беруі тиіс", - деп түйіндеді Республикалық жеке сот орындаушылар палатасының басшысы.

Бұған дейін Мәжіліс депутаты Бақытжан Базарбек жеке сот орындаушылары жұмысындағы ауқымды заңбұзушылықтар туралы мәлімдеген болатын. Оның айтуынша, Бас прокуратураның ұсынысына сәйкес, 88 жеке сот орындаушысы 660 түрлі алаяқтық әрекет пен айла-шарғылар жасаған. Сондай-ақ ол заңбұзушылықтардың бір бөлігі алиментке арналған ақшаға қатысты болғанын айтты.

Базарбек бұл туралы "Қазақстан Республикасының кейбір заңнамалық актілеріне атқарушылық іс жүргізуді жетілдіру мәселелері бойынша өзгерістер мен толықтырулар енгізу туралы" заң жобасын талқылау кезінде айтты. Құжат бірінші оқылымда қаралып жатыр.

Google News арқылы жаңалықтарымызды қадағалаңыз