BekAir апатының себебі жасанды интеллект арқылы анықталуы мүмкін

Адвокат Сергей Державец бұл істе ЖИ көмегіне жүгінуді ұсынды. Оның пікірінше, алғашқы қорытынды тергеудің алғашқы күндерінде-ақ жасалды. Ол кезде тіпті тергеушілер не болғанынан бейхабар еді.

- Бірінші сот-медициналық сараптама асығыс жүргізілді. Тергеудің алғашқы күнінде, тергеушілер апаттың мән-жайын толық білмеген. Сарапшылар толық жауап бере алмады, себебі олардың өздері не болғанын нақты білмеді. Сондықтан олардың қорытындысы мәселенің толық ауқымын қамтымайды. Мен соттан ұшақтың сағатына 100 және 200 шақырым жылдамдықпен жерге соғылуы кезінде жолаушылардың бастан кешірген күйін көру үшін ЖИ көмегіне жүгінуді сұраймын. Сағатына 200 шақырым жылдамдықпен соқтығысу кезінде, тіпті соқтығысу бір секундтың бір бөлігіне ғана созылса да, ешкім аман қалмас еді. медициналық мәселелерді шешкен кезде мұны ескеру қажет, - деді адвокат.

Державецтің ұстанымын адвокат Нұрлан Халиков қолдады. Ол көптеген аспекті әлі шешілмегенін және тергеу органдары сот-медициналық сараптамаларды тек үстірт жүргізгенін атап өтті.

- Қылмыстық процесті жүргізетін органның егер мәселелер іске қатысты болса, сараптама тағайындаудан бас тартуға құқығы жоқ. Ал біз көтерген мәселелер өлім себебіне тікелей қатысты, - деді Нұрлан Халиков.

Алматы маңында апатқа ұшыраған Bek Air ұшағына қатысты тергеу аяқталғанын жазған болатынбыз.