Белгілі режиссер Жұлдызбек Жұманбай мәдениет қайраткері атанды

Мемлекет басшысы Қасым-Жомарт Тоқаевтың Жарлығымен елімізге белгілі актер, талантты режиссер Жұлдызбек Жұманбайға «Қазақстанға еңбек сіңірген мәдениет қайраткері» құрметті атағы берілді. Мемлекеттік жоғарғы награданы Абай облысының әкімі Берік Уәли табыстады, деп хабарлайды Egemen.kz.

Жұлдызбек Айтқалиұлы – 1982 жылы Абай ауданы, Кеңгербай би ауылында туған. 1999-2002 жылдары М.Төлебаев атындағы музыка колледжінің «Актер» бөлімін бітірген. 2002-2006 жылдары Т.Жүргенов атындағы Қазақ ұлттық өнер академиясының «Эстрадалық миниатюра» бөлімін тәмамдады. 2012-2014 жылдары «Болашақ» бағдарламасымен Мәскеудегі «Театр өнері» институтының (ГИТИС) «Режиссер» мамандығы бойынша магистр дәрежесін алды. 2015 жылдан бері Ғ.Мүсірепов атындағы Қазақ мемлекеттік академиялық балалар мен жасөспірімдер театрында режиссер, М.Әуезов атындағы Қазақ ұлттық драма театрында режиссер, «Алатау» дәстүрлі өнер театрында көркемдік жетекші, Астанадағы Ә.Мәмбетов атындағы мемлекеттік драма және комедия театрында бас режиссер қызметтерін атқарды. Сонымен қатар оның еліміздің әр өңірінде спектаклдері қойылып, көрермен ықыласына бөленді.

Жұлдызбек Жұманбайды әуелі көпшілікке танымал еткен «Қызыл орамалды шынарым» қойылымындағы Ілияс рөлі еді. Ол Ғ.Мүсірепов атындағы Балалар мен жасөспірімдер театрында 8 жыл актер болып, көптеген рөлдерді ерекше сомдады.

«Мен бұрын мұндай награда тек тамыр-таныс арқылы келеді деп ойлаушы едім. Расында олай емес екен. Өз салаңда адал қызмет қылсаң, Абай атам айтқандай, атақ та, абырой да өз аяғымен келетіне көзім жетті. Мен мұндай мәртебелі атақ аламын деп күтпедім. Былтыр хакім Абайдың 180 жылдық тойында «Бала Абайдан – дана Абайға дейін» деген дала театрын қойдық. Сонда облыс әкімі Берік Уәлиұлы бұл еңбегімізді жоғары бағалап еді. Қолдау көрсетіп жатқан туған елдегі азаматтарға рақмет», дейді Жұлдызбек Жұманбай.

Оның режиссер ретінде қойған қойылымдары: А.Құнанбаев – (қара сөз) «Қара», В.Шекспир – «Бір сен үшін тудым» («Ромео и Джульетта»), Н.Гоголь – «Ревизор», «Баян сұлу – Қозы Көрпеш», Г.Горин – «Ұмытыңдар оны», А.Герни – «Махаббат хаттары», Н.Саймон – «Күзгі покер», Г.Хугаева – «Иттің баласы» («Черная бурка»), Н.Тутов – «Гүлдер хикаясы», Шәкәрім – «Жолсыз жаза», Шәкәрім, Мағауия, Мұхтар – «Абай айтқан «Еңлік-Кебек», М.Әуезов – «Айман-Шолпан», М.Әуезов – «Жетім», С.Мұратбеков – «Жусан иісі», О.Бөкей – «Қар қызы», Т.Ахтанов – «Күшік күйеу», Д.Исабеков – «Маһшар түндегі махаббат», Р.Мұқанова – «Бопай ханым», Иран-Ғайып – «Ән-Мұхит», М.Мақатаев – «Райымбек, Райымбек», Б.Қадыр – «Ар адамы. Бауыржан», М.Мағауин – «Жармақ», С.Сыбанбай – «Ұлым қашан келесің?» т.б жиыны 30-ға жуық спектаклі қойылды.

Марапаттары: «Алтын сақа» – «Үздік режиссер» (2017), «Қазақстан Республикасының мәдениет саласының үздігі» (2022), Қазақстан театр қайраткерлері одағының кәсіби сыйлығы «Еңлікгүл-2025» бойынша жылдың «Ең үздік режиссері».

Абай облысы

Соңғы жаңалықтар

Белгілі режиссер Жұлдызбек Жұманбай мәдениет қайраткері атанды

Аймақтар • Бүгін, 12:55

40 жыл еңбек өтілі бар азаматтар зейнетке ерте шыға ма?

Бюджет • Бүгін, 12:49

Қазақстан мен Моңғолия президенттері шағын құрамда келіссөз жүргізді

Президент • Бүгін, 12:40

Қазақстан мен Солтүстік Македония Іскерлік кеңес құрды

Қазақстан • Бүгін, 12:29

Әкімдіктерде үйлестіру жоқ: Үкімет басшысы жергілікті жердегі кемшіліктерді атап өтті

Инфрақұрылым • Бүгін, 12:22

ҰБТ-ға қосымша таңдау: AIT тестінің ерекшелігі неде?

Білім • Бүгін, 12:11

Банк шотыңыз бұғатталса не істеу керек?

Қоғам • Бүгін, 11:44

Қазақстанда екінші АЭС Балқаш маңында салынуы мүмкін

Энергетика • Бүгін, 11:40

Мүгедектігі бар жандарға арба мен протездер жалға беріледі: Жаңа жүйе қалай жұмыс істейді?

Қоғам • Бүгін, 11:36

Жәңгір мектебінің түлектері

Мирас • Бүгін, 11:35

Алматы облысы маңында жеке үйде газ жарылып, 4 адам зардап шекті

Оқиға • Бүгін, 11:14

Ең төменгі жалақы 150 мың теңгеге дейін өсе ме? Министр жауап берді

Оқиға • Бүгін, 11:12

Ақордада Моңғолия Президентін қарсы алу рәсімі өтіп жатыр

Президент • Бүгін, 11:01

Қазақстанда әр пойызға ерекше қажеттілігі бар жандарға арналған вагон қосылады

Қоғам • Бүгін, 10:58

48 команданың бәйгесі: Жаңа формат сенсацияларға жол аша ма?

Футбол • Бүгін, 10:43

Барлық жаңалықтар