Отаныма қызмет етемін : Баян Алагөзова Қазақстанның еңбек сіңірген қайраткері атанды

Сурет: Instagram @bayanmaxatkyzy

Танымал продюсер, актриса және әнші Баян Алагөзова "Қазақстан Республикасының еңбек сіңірген қайраткері" атағын алды.

Бұл қуанышты жағдай туралы әртіс 24 қазанда Instagram-дағы парақшасында хабарлады.

"Достар! Баршаңызды келе жатқан Республика күнімен құттықтаймын! Бүгін анамның арманы орындалды - мен ҚР еңбек сіңірген қайраткері атандым! Бұл жоғары марапатты Мәдениет және ақпарат министрі Аида Балаеваның қолынан алдым. Бұл үлкен мәртебе және үлкен жауапкершілік! Отаныма қызмет етемін", - деп жазды 51 жастағы әртіс.

Марапаттау рәсімі Республика күні қарсаңында өтті және Баян Мақсатқызының өзі үшін ғана емес, оны құттықтап, жылы лебізін білдірген әлеуметтік желідегі жанкүйерлері үшін де ерекше сәт болды.

Жазылушылар марапаттың бұрыннан бері лайық екенін атап өтті:

"Саған да берілген екен!" "Елдің ең өнімді продюсеріне ең лайықты марапат!" "Керемет! Құттықтаймын! Лайықты, абыройлы!"

Баян Алагөзова - қазақстандық шоу-бизнестегі ең танымал тұлғалардың бірі, көптеген табысты музыкалық және теледидарлық жобалардың авторы, танымал топтар мен фильмдердің продюсері.

Посмотреть эту публикацию в Instagram

Публикация от Bayan Alaguzova (@bayanmaxatkyzy)

Бүгін, 16:17