Бибігүл Жексенбай: Астананың бас жоспарында тұрғындардың пікірі ескерілу керек

Сенат депутаты Бибігүл Жексенбай «Астана бас жоспары» ғылыми-зерттеу жобалау институтының ұжымымен кездесті. Кездесуде елорданың қала құрылысы саясатын ғылыми-әдістемелік тұрғыда сүйемелдеу, оны азаматтар үшін жайлы, қауіпсіз әрі өмір сүру сапасы жоғары заманауи астана ретінде дамыту мәселелері талқыланды, деп хабарлайды Egemen.kz.

Фото: Сенаттың баспасөз қызметі

Диалог барысында талқыланған тәсілдер Мемлекет басшысының жуырдағы сұхбатындағы азаматтардың өмір сүру сапасын арттыруға және мемлекеттік саясатты ұзақ мерзімді нәтижеге бағыттауға баса назар аударылған негізгі ойларымен толық сәйкес келетіні айтылды.

Кездесуде елорда аумағын кезең-кезеңмен дамыту мәселелері талқыланды. Әсіресе, қаланың сәулеттік келбетін дизайн-код талаптарына сай қалыптастыруға, мәдени-демалыс нысандары мен тұрғын үй салуға, әлеуметтік инфрақұрылымды дамытуға, экологиялық тепе-теңдікті сақтауға және көлік жүйесін жаңғыртуға айрықша назар аударылды.

Астананың 2035 жылға дейінгі Бас жоспарына енгізілген өзгерістер және елордалық агломерацияны қалыптастыру жобасы жеке бөлім ретінде қаралды. Кездесуге қатысушылар осы стратегиялық құжаттарды қала инфрақұрылымына түсетін нақты жүктемені және халықтың сұранысын ескере отырып, қалай жүзеге асыруға болатынын талқылады.

«Біздің мақсатымыз – Парламентте қабылданып жатқан заңдарды халыққа жеткізумен шектелмей, кәсіби қоғамдастықпен бірігіп, алдағы уақытта қандай заңнамалық бастамалар керектігін талқылау. Елорда тез дамып жатыр, сондықтан бұл процестің басқарылуы және адам мүддесіне бағытталуы өте маңызды», деді Б.Жексенбай.

Талқылау кезінде сенатор қалалық кеңістікті басқарудың заманауи әдістерін енгізудің, жасыл инфрақұрылымды дамытудың және барлық азаматтарға қолжетімді инклюзивті қалалық ортаны құрудың маңыздылығын ерекше атап көрсетті.

Заңнамалық өзгерістер қабылданған

Атап өтілгендей, соңғы екі жылда Парламент қалаларды кешенді дамытуға бағытталған бірқатар жүйелі заңнамалық өзгерісті қабылдады. Оның ішінде аумақтарды кешенді жоспарлауға, әлеуметтік және инженерлік инфрақұрылымды дамытуға, экологиялық талаптарды күшейтуге бағытталған қала құрылысы қызметі туралы заңнамаға енгізілген түзетулер, сондай-ақ Жер кодексіне өзгерістер енгізілді.

«Қабылданған нормалар жер ресурстарын барынша тиімді пайдалануға, қоғамдық және әлеуметтік нысандарды басымдықпен дамытуға, жер учаскелерін беру рәсімдерінің ашықтығын арттыруға мүмкіндік береді. Сонымен қатар, жасыл аймақтарды сақтау және ұлғайту, қоғамдық көлікті дамыту және қаладағы көлік жүктемесін азайту бойынша талаптар күшейтіліп отыр», деді сенатор.

Тұрғындардың ұсыныстары ескеріледі

Кездесуді қорытындылай келе, Бибігүл Жексенбай бас жоспарды алдағы уақытта нақтылау кезінде, әсіресе, абаттандыру, қоғамдық кеңістіктерді құру және әлеуметтік нысандарды орналастыру мәселелері бойынша елорда тұрғындарының ұсыныстары мен пікірлерін ескеруге ерекше мән беру қажеттігін атап өтті.

Соңғы жаңалықтар

Ақ шашты дәуір: қартайып бара жатқан адамзат қайтсе аман қалады?

Қоғам • Бүгін, 14:23

Елімізге шетелдік жұмыс күшін тарту тәртібі өзгерді

Саясат • Бүгін, 14:18

Спортшыларға арналған жасанды интеллект бағдарламасы әзірленіп жатыр

Технология • Бүгін, 14:01

Дрон арқылы мал ұрлығы ашылды

Қоғам • Бүгін, 13:49

78 мыңнан аса бала «Ұлттық қордан» түскен қаржыға оқу ақысын төлеген

Экономика • Бүгін, 13:01

Белгілі актер Мұрат Бисембин қайтыс болды

Тұлға • Бүгін, 12:50

Алматы облысында қар барысының ізі анықталды

Оқиға • Бүгін, 12:27

ҚазҰУ-дың шатырына күн панельдері орнатылды

Технология • Бүгін, 12:13

Каникул кезінде батысқазақстандық 126 бала құқық бұзған

Аймақтар • Бүгін, 12:02

Михаил Кукушкин ширек финалға шықты

Спорт • Бүгін, 11:58

82 млн теңге: Ақмолада жер телімі мемлекетке қайтарылды

Қоғам • Бүгін, 11:40

13 жастағы оқушы информатикадан республикалық олимпиаданың жеңімпазы атанды

Білім • Бүгін, 11:37

WhatsApp-та кибералаяқтықтың жаңа түрі пайда болды

Қоғам • Бүгін, 11:25

Алматыда ер адам мешітте намаз уақытында ұрлық жасаған

Оқиға • Бүгін, 11:10

Шымкентте үшем дүниеге келді

Аймақтар • Бүгін, 11:00

Барлық жаңалықтар