“Бір рет басса, телефонды бұзып алады“. Қазақстандықтарға жаңа DramaRAT киберқаупі туралы ескертілді

Қазақстан Бас прокуратурасының Құқықтық статистика және арнайы есепке алу комитетінің Қылмыстық қауіп-қатерлерді болжау орталығы Android құрылғыларына таралатын DramaRAT атты жаңа киберқауіп туралы ескертті, деп хабарлайды Tengrinews.kz тілшісі.

Қазақстан Бас прокуратурасының Құқықтық статистика және арнайы есепке алу комитетінің Қылмыстық қауіп-қатерлерді болжау орталығы Android құрылғыларына таралатын DramaRAT атты жаңа киберқауіп туралы ескертті, деп хабарлайды Tengrinews.kz тілшісі.

Ведомство өкілдері DramaRAT атты жаңа троян Android-ты алаяқтар құралына айналдыратынын атап өтті. Бас прокуратура шетелдік дереккөздерге сілтеме жасай отырып, зиянды бағдарламалық қамтылым танымал сервистер, пайдалы қосымшалар мен құжаттар ретінде бүркемеленіп, мессенджерлер, SMS-хабарламалар және электрондық пошта арқылы таралатынын хабарлады.

"Алдау тәсілі ретінде алаяқтар ChatGPT, музыкалық сервистерге, VPN-қосымшаларға, Minecraft түрлендірулеріне тегін қол жетімділікті ұсынады, сондай-ақ "Декларация", "Төлем шоты" және пайдаланушылардың сенімін тудыратын басқа да құжаттар бар файлдарды таратады. Орнатылғаннан кейін бағдарлама жаңартуды ұсынады және осы сәтте бағдарламаның негізгі зиянды бөлігі фондық режимде жүктеле бастайды. Содан кейін пайдаланушыға Android арнайы мүмкіндіктер қызметіне кіруге рұқсат беру ұсынылады.", - делінген Бас прокуратура хабарламасында.

Кеңейтілген қолжетімділік құқықтарын алған Drama RAT:

құрылғы экранынан ақпаратты оқуы; логиндерді, парольдерді және бір реттік кодтарды алуы; пайдаланушының әрекеттерін имитациялауы; банк қосымшаларын басқаруы; құпия деректерге қол жеткізуі; PIN-кодты орнатып, құрылғыны бұғаттауы мүмкін.

Вирус жұқтыру қаупін азайту үшін келесі шаралар ұсынылады:

мессенджерлер, SMS немесе электронды пошта арқылы алынған күдікті файлдарды орнатпау; қосымшаларды тек ресми дүкендерден жүктеу (Google Play); ақылы қызметтерге және күмәнді жаңартуларға тегін қол жеткізу ұсыныстарына сенбеу; орнатылатын бағдарламалар, қосымшалар үшін қол жеткізу құқықтарының сұратылған рұқсаттарын мұқият тексеру; қорғаудың өзекті құралдарын пайдалану және операциялық жүйені үнемі жаңарту.

Қазақстан Бас прокуратурасы азаматтарды қырағы болуға шақырады: пайдаланушы пайдалы қосымшаны орнатып жатырмын деп ойлаған кезде, киберқылмыскерлер оның дербес деректері мен цифрлық ресурстарына қол жеткізіп үлгеруі мүмкін.