Бір жылда азық түлік 13,5% қымбаттады

Өткен айда елдегі жылдық инфляция деңгейі 12,6%-ке жеткен. Қыркүйекте ол 12,9% деңгейінде болған еді. Ұлттық банктің хабарлауынша, бұған ақылы қызметтер бағасының күрт тежелгені әсер етті.

10 облыста баға өсімінің бәсеңдеуі байқалса, алты өңірде, керісінше, жылдамдаған. Ал қалған төрт аймақта өзгеріссіз қалыпты. Ұлттық банктің мәліметінше, бір жылда азық-түлік 13,5% қымбаттаған. Инфляцияны төмендету үшін импорттық азық түрлерінің өндірісін ширату қажет. Бұл алдағы үш жылға арналған экономиканың кешенді жоспарындағы негізгі міндет. Кеше Үкімет отырысында макроэкономикалық тұрақтылық пен халықтың әл-ауқатын арттыру бағдарламасы қаралған еді. Ұлттық экономика министрі Серік Жұманғарин халықтың табысын арттыру үшін жыл сайын 100-ден аса жаңа жоба іске қосылатынын жеткізді. Бұл жаңа жұмыс орындарын құрып, халықтың табысын арттыруға оң ықпалын тигізеді.