Біріккен Араб Әмірлігінде зымыран қаупіне байланысты төтенше жағдай режимі енгізілді

Елдің Ішкі істер министрлігі тұрғындарды дереу қауіпсіз жерлерге баруға, сондай-ақ терезелерден, есіктерден және ашық алаңдардан аулақ болуға шақырды, – деп хабарлайды Aikyn.kz сайты.

Төтенше жағдай режимі елдің Қорғаныс министрлігі Ираннан төнген қауіпке қарсы қорғаныс жүйелері арқылы 6 зымыран мен 131 ұшқышсыз ұшу аппаратын жойғанын хабарлағаннан кейін енгізілді. Сонымен қатар бір зымыран мен алты дрон Біріккен Араб Әмірліктері аумағына құлаған.

БАӘ-нің Төтенше жағдайлар, дағдарыстар және апаттарды басқару жөніндегі ұлттық басқармасы әлеуметтік желіде зымыран қаупі толық залалсыздандырылғанын мәлімдеді.