Биыл магниттік дауылды күндер саны рекорд жаңартты

Биыл магниттік дауылдар болған күндер саны кейінгі 10 жылдың рекордын жаңартты.

Ресей Ғылым академиясының Ғарыштық зерттеулер институтының мәліметінше, 2025 жылы 69 магниттік дауыл тіркелген. Ұқсас жағдай әлемде 2005 жылы байқалған. Мамандар бұған Күндегі короналды ойықтар себеп дейді. Қазір олардың көлемі өзгермей, бір қалыпта тұр, сол үшін 2026 жылдың алғашқы айларында да магниттік дауылдардың әсері жалғасуы ықтимал.