Биыл Қазақстанда 6 жаңа ақылы жол учаскесі енгізілуі мүмкін

Бұл туралы «ҚазАвтоЖол» ҰК» АҚ басқарма төрағасы Дархан Иманашев Орталық коммуникациялар қызметі алаңында өткен баспасөз мәслихатында мәлімдеді.

– Биыл қосымша 6 жаңа ақылы жол учаскесін енгізу жоспарланып отыр, – деді төраға.

Сондай-ақ брифинг барысында Дархан Иманашев жол қызметтері биылғы су тасқыны кезеңінен алдын ала жүргізілген дайындық жұмыстарының арқасында сәтті өткенін атап өтті. 2026 жылғы су тасқыны кезінде республикалық автожолдарда 5 су басу фактісі тіркелсе, екі жыл бұрын мұндай жағдайлар саны 178 болған.
Су тасқынына қарсы іс-шараларды жүргізуге шамамен 1000 бірлік техника мен 1900 қызметкер жұмылдырылды. Сонымен қатар 15 мыңға жуық су өткізу құбыры тазартылып, 86 мың текше метр инертті материал дайындалды.

Бұған дейін ақылы жол жүйесі саланың жұмысына қаншалықты игі әсерін тигізгенін жазған болатынбыз.