Қазақстанда үш жаңа ақылы жол қосылады

Қазақстанда бірден үш жаңа ақылыжол пайда болуы мүмкін, деп хабарлайды Nur.kz.

Тиісті жобалар бойынша бұйрықтар "Ашық НҚА" порталында жарияланды және 17 сәуірге дейін көпшіліктің талқылауына салынды. 

Алматыдан Қарағандыға дейінгі дерлік барлық маршрутты ақылы ету жоспарланып отыра. Атап айтқанда, қазірдің өзінде бар «Балқаш - Бұрылбайтал» ақылы учаскесін 91-ден 645 шақырымға дейін кеңейту ұсынылуда. Бұл I-б санатындағы республикалық маңызы бар жол, сондықтан жол жүру үшін барлық көлік түрлерінің - жеңіл және жүк автомобильдерінің, сондай-ақ автобустардың иелері төлеуге мәжбүр болады.

Қарағанды (Бұқар жырау, Абай, Шет, Ақтоғай аудандары, Балқаш және Приозерск қалалары), Жамбыл (Мойынқұм ауданы) және Алматы (Жамбыл ауданы) облыстарының кейбір аудандарында тіркелген жеңіл автокөліктер үшін айлық және жылдық абонементтер қарастырылған.

Сонымен қатар, ұзындығы 226 шақырым болатын «Бұрылбайтал - Құрты» учаскесі ақылы болуы мүмкін. Жамбыл (Мойынқұм ауданы) және Алматы (Жамбыл және Іле аудандары) облыстарының тұрғындары үшін де абонемент қарастыру жоспарланып отыр.

Осылайша, жобалар қабылданған жағдайда Алматыдан Қарағандыға дейінгі трассаның дерлік барлығы ақылы болады.

Тағы бір жоба жалпы ұзындығы 773 шақырым болатын «Талдықорған - Өскемен» жолына қатысты. Құжатқа сәйкес, жеңіл автомобильдердің иелері тек алғашқы 32,4 шақырым үшін төлеуі керек, ал жүк көліктері мен автобустар үшін бүкіл маршрут ақылы болады.

Абонементтер Алматы облысында (Ескелді, Ақсу, Сарқанд, Алакөл аудандары), Абай облысында (Үржар, Аягөз, Жарма аудандары) және Шығыс Қазақстан облысында (Ұлан ауданы) тіркелген автомобильдер үшін енгізу жоспарланған.

Жол жүру тарифтері әлі жарияланған жоқ. Бұйрықтар бекітілген жағдайда жаңа ақылы учаскелер осы жылдың көктемінде жұмыс істей бастауы мүмкін.

Бүгін, 11:03