Қазақстанда үш жаңа әуежай іске қосылады: мерзімдері аталды

Қазақстанда бірнеше әуежайдың құрылысы мен жаңғырту жұмыстары қатар жүріп жатыр. Зайсан, Қатонқарағай және Кендірліде жаңа әуе айлақтары салынып жатса, Үржарда жолаушылар терминалы қайта жөндеуден өтіп жатыр. Жобалардың қай кезеңде екені және олардың қашан аяқталатыны туралы Азаматтық авиация комитеті хабарлады, деп жазады Tengri Travel.

Кендірлідегі әуежай

Әуежай Кендірлі курорттық аймағында, Каспий теңізі жағалауынан шамамен 13 шақырым жерде салынып жатыр.

Қазіргі жағдай: нысанның дайындығы 54 пайызды құрайды. ААК мәліметінше, газ құбыры мен сыртқы байланыс желілерінің құрылысы аяқталған. Қазір ұшу-қону жолағы, перрон, рульдеу жолы, әуе вокзалы, кірме жол және әкімшілік-техникалық нысандар салынып жатыр.

Қашан іске қосылады: жобаны 2026 жылдың желтоқсанында аяқтау жоспарланған.

Кендірлі курорттық аймағындағы жаңа әуежай ішкі және халықаралық рейстерге қызмет көрсетеді деп күтіледі. Жоба жылына 1,3 миллион жолаушыға шақталған, ал жоспарланған бағыттар арасында Астана, Алматы, Ақтөбе, Атырау, Орал, Қызылорда, Нүкіс, Баку және Астрахань бар.

Маңғыстау облысы әкімдігінің бұған дейін жариялаған мәліметтері бойынша, бірінші кезеңде Q-400, ATR және CRJ типті әуе кемелерін қабылдауға қабілетті ұзындығы 2200 метрлік ұшу-қону жолағы салынады. Келесі кезеңде инфрақұрылым кеңейтіліп, бұл Airbus A320 және Boeing 737 лайнерлерін қабылдауға мүмкіндік береді.

Қазіргі жағдайы: құрылыс жұмыстарының дайындығы 95,3 пайызды құрайды. ААК дерегінше, ұшу-қону жолағы, перрон, рульдеу және кірме жолдары, негізгі сыртқы инженерлік желілер дайын болып, жарық-сигналдық жабдықтар орнатылды. Қазір әуе вокзалы мен әкімшілік-техникалық ғимараттардың құрылысы, сондай-ақ жабдықтарды монтаждау жұмыстары жалғасып жатыр.

Қашан іске қосылады: жобаны аяқтау 2026 жылдың қарашасына жоспарланған.

Сәтбай ауылының маңындағы әуежай құрылысы 2025 жылдың наурызында бұрынғы әскери аэродром орнында, Зайсаннан шамамен 25 шақырым жерде басталды.

Әуе айлағы ұзындығы 2,2 мың метрлік ұшу-қону жолағымен жабдықталады және оны кейіннен ұзарту мүмкіндігі қарастырылған. Бұл Bombardier Q400 және ATR-72 сияқты заманауи өңірлік кластағы әуе кемелерін қабылдауға мүмкіндік береді.

Бұған дейін айтылған жоспарларға сәйкес, әуежай инфрақұрылымының құрамына рульдеу жолдары, төрт әуе кемесіне арналған перрон, сағатына 150 жолаушыға дейін өткізу қабілеті бар ауданы 4 мың шаршы метрлік заманауи әуе вокзалы, мұнарасы бар диспетчерлік пункт, апаттық-құтқару қызметі, метеостанция және радионавигациялық жабдықтар кіреді.

Бұған дейін нысанды іске қосу 2026 жылдың маусымына жоспарланған болатын, алайда мерзімдер кейінге шегерілді.

Зайсаннан Астана, Алматы және Өскеменге, сондай-ақ Қытайға - Үрімжі, Алтай және Қанас бағыттарына халықаралық рейстер ашу көзделген.

Қазіргі жағдайы: нысанның дайындығы 79 пайызды құрайды. ААК мәліметінше, ұшу-қону жолағы, перрон, рульдеу жолы, республикалық маңызы бар автожол және блокты-модульдік қазандық салынып біткен. Қазір әуе вокзалы, әкімшілік-техникалық нысандар мен инженерлік инфрақұрылым тұрғызылып жатыр.

Қашан іске қосылады: жобаны аяқтау 2026 жылдың желтоқсанына жоспарланған.

Бұған дейін Астана, Алматы және Өскеменге ішкі рейстер, сондай-ақ Қытайдағы Алтай мен Қанасқа және Моңғолиядағы Баян-Өлгейге халықаралық рейстер ашылуы мүмкін екені хабарланған болатын. Өткізу қабілеті сағатына 150 жолаушыға дейін жетуі тиіс.

Бұл ретте бастапқы аяқталу мерзімі - 2026 жылдың қыркүйегі болатын. Соңғы ақпарат бойынша, әуекомпанияларды тарту және маршруттық желіні қалыптастыру мәселесі әлі де пысықталып жатыр.

Ашық дереккөздердегі ақпаратқа сәйкес, әуежай асфальт-бетон жабыны бар жасанды ұшу-қону жолағымен жабдықталады. Оның ұзындығы - 2,2 мың метр, ені - 35 метр.

Редакция жобалардың барысын бақылауды жалғастырады.

Тағы оқыңыз: Прага, Сингапур: 2026 жылдың аяғына дейін Қазақстанда қандай жаңа рейстер ашылады?

Бізді Google-дың негізгі дереккөздер тізіміне қосыңыз