Биыл рақымшылық жасау заңы аясында 338 адам жазадан босатылды

Жоғарғы СотТөрағасы Асламбек Мерғалиев 2025 жылы сот төрелігін жүзеге асыру қорытындыларына арналған жоғары сот органының кеңейтілген кеңесін өткізді. Кеңес жұмысына Президенттің құқықтық мәселелер жөніндегі көмекшісі Ержан Жиенбаев, Жоғары Сот Кеңесінің төрағасы Дмитрий Малахов, Жоғарғы Соттың сот алқалары мен Сот әкімшілігінің, кассациялық, облыстық және оларға теңестірілген соттардың басшылығы, сондай-ақ республика судьялары бейнебайланыс форматында қатысты, деп жазады Egemen.kz.

Фото: ortcom.kz

Кеңесте Жоғарғы Соттың сот алқаларының төрағалары Нұрсерік Шәріпов, Назгүл Рахметуллина, Аслан Түкиев, сондай-ақ Сот әкімшілігінің басшысы Наиль Ахметзакиров баяндама жасады. 

Жоғарғы Сот Төрағасы өтіп бара жатқан жылдың басты оқиғасы ретінде Президенттің тапсырмасымен дербес кассациялық сатының құрылғанын атап өтті.
Жұмыстың алғашқы бес айында кассациялық соттар 14 мыңнан астам шағым мен наразылықты тіркеген. Ал жылдың бірінші жартыжылдығында Жоғарғы Сотқа 9,7 мың кассациялық өтінішхат келіп түскен.
Өтініштер санының 45%-ға өсуі кассациялық қайта қараудың жаңа моделіне жоғары сенім бар екенін және оның практикалық маңызын айқындайды.
Биыл сот актілерін түзету үлесі едәуір артқан. Мәселен, азаматтық істер бойынша – 3%-дан 18,5%-ға дейін, қылмыстық істер бойынша – 8%-дан 29%-ға дейін өсті.
Әкімшілік істер бойынша қайта қарау көрсеткіші тұрақты көрсеткішті сақтап қалған. (17%-дан 15,5 %-ға төмендеді).
Жиында кассациялық сатының азаматтар мен заңды тұлғалардың құқықтарын қорғау жөніндегі конституциялық кепілдіктерді іске асырудағы шешуші рөлі де атап өтілді.

Асламбек Мерғалиев талап қоюлар мен материалдар санының – 27%-ға 1,3 млн-нан 1,6 млн-ға дейін артқанын атап өтті.

Аяқталған істер санының көбеюі және талап қоюдың көңіл көншітерлік деңгейінің жоғары болуы сот жүйесінің сұранысқа ие екенін және даулардың уақтылы шешілетінін көрсетіп отыр.

«Қаралған 276 мың медиабельді істің 46,3 пайызы баламалы тәсілдермен реттелді. 266 мыңнан астам іс жеңілдетілген тәртіппен қаралды. Қылмыстық сот ісін жүргізуде жеке айыптау істерін есепке алмағанда, ақтау үкімдерінің саны 30%-ға (109-дан 142-ге дейін) артты. Бас бостандығынан айырумен байланысты емес жазаларды қолдану, соның ішінде түзеу және қоғамдық жұмыстар, шартты соттау кеңінен қолданылды. Рақымшылық жасау аясында 338 адам жазадан босатылды, 5 мыңнан астам сотталғанға қатысты жаза қолданылмады, 8,6 мың адамның жаза мерзімі қысқартылды», делінген Жоғарғы соттың баспасөз қызметі таратқан хабарламада. 

Қамауда ұстауға санкция беру туралы өтінішхаттардың үлесі де азайған. 2025 жылы мұндай өтінішхаттардың 62,5%-ы қолдау тапты (2024 жылы –74,5% болған).
Сонымен қатар үйқамақ түріндегі бұлтартпау шарасын қолдану 81 пайызға артқан. Электрондық білезіктер 2 110 адамға қолданылды (2024 жылы – 954).

Рақымшылыққа кімдер ілігеді?

Жазаның өтелмеген бөлігін неғұрлым жеңіл жаза түріне ауыстыру туралы өтінішхаттарды қабылдау – 30,9%-дан 38,9%-ға, шартты түрде мерзімінен бұрын босату бойынша – 52,9%-дан 53,9%-ға өскен.

Әкімшілік талап қоюлардың жалпы саны артқанымен (30 мыңнан 32 мыңға дейін), даулардың жекелеген санаттары бойынша мемлекеттік сатып алулар, бәсекелестікті қорғау және өзге де салалардағы заңнамаға енгізілген өзгерістерге байланысты олардың азаюы байқалады.

Соңғы жаңалықтар

Ауруханадағы 1040 қызметкердің жалақысы төленбеген

Қоғам • Бүгін, 12:11

БҚО-да биыл 6 мектеп күрделі жөндеуден өтті

Аймақтар • Бүгін, 12:00

«Қайрат» Анарбековты сата ма? Клубтың соңғы шешімі белгілі болды

Спорт • Бүгін, 11:53

Криштиану Роналду 1000 гол межесіне жете ала ма?

Футбол • Бүгін, 11:42

Қырғызстан билігі экс-президент Атамбаевты мемлекеттік наградаларынан айырды

Қоғам • Бүгін, 11:30

ҚазҰУ-дың жас ғалымы цикорийдің диабетке қарсы қасиетін дәлелдеді

Ғылым • Бүгін, 11:23

2025 жылдың құқықтық белесі: Қазақстанның жаңару бағыты мен жүйелі реформалары

Заң • Бүгін, 11:13

Тайвань айналасы қоршауға алынады: Қытай ертең әскери дайындықты бастайды

Әлем • Бүгін, 11:04

Қазақстан АҚШ-пен бірлесіп атом энергетикасы саласына қажетті кадрлар дайындайды

Энергетика • Бүгін, 11:00

АҚШ-та екі тікұшақ соқтығысып, бір адам қаза тапты

Оқиға • Бүгін, 10:50

Фурманов каналына 40 жылда алғаш рет механикалық тазалау жасалды

Қоғам • Бүгін, 10:48

Келесі жылы зейнетақы мен жәрдемақы қаншалықты өседі?

Экономика • Бүгін, 10:40

Ұлттық ұланның Бас қолбасшысы сарбаздардың бес арманын орындады

Әскер • Бүгін, 10:35

234 алтын медаль: Әскер спортының жыл қорытындысы шығарылды

Спорт • Бүгін, 10:20

Елдегі кәсіпкерлер салыққа бола шетелге көшіп жатыр ма? Қаржы министрі жауап берді

Қаржы • Бүгін, 10:18

Барлық жаңалықтар