Бизнесті қолдаудың жаңа қадамдарын жариялады

Басқосуда оңайлатылған декларация негізіндегі арнаулы салық режимін қолданатын шағын және орта бизнес субъек­тілері үшін корпоративтік және жеке табыс салығы мөлшер­ле­ме­сін 4%-дан 2%-ға дейін төмендету мәселесі қаралды.

Фракция жетекшісі Қайрат Имашев бұл ұсыныстың өткен сес­сияда көтерілгенін атап өтіп, бастаманың маңыздылығына тоқ­талды.

«2026 жылғы 1 қаңтардан бастап арнаулы салық режимінің мөл­шерлемесін Салық кодексінде көзделгендей 2% деңгейінде бе­кіту мүмкіндігін ұсынып отырмыз. Салықтың төмендеуі ша­ғын және орта бизнесті көлеңкеден шығаруға, кәсіпкерлікті ашық әрі айқын жүргізу мәдениетін қалыптастыруға ықпал ете­ді. Бұл қадам салық базасының кеңеюіне, бизнестің тұрақ­тылығына және қалаға жаңа инвестицияның келуіне жол аша­ды», – деді ол.

Фракция мүшелері Қайрат Имашевтің бастамасын бірауыз­дан қолдады. Фракция жетекшісі бұл шешім кәсіпкерлер үшін елеулі қолдау болатынын айта келе:

«AMANAT» партиясы әрдайым бизнесті дамытуға бағыт­тал­ған нақты қадамдар жасап келеді. Бұл бағыттағы жұмыс ал­дағы уақытта да жалғасын табады», – деп пікір білдірді.

Отырыста сондай-ақ «AMANAT» партиясының 2023–2027 жыл­дарға арналған «Халықпен бірге!» сайлауалды бағдар­ла­ма­сын жүзеге асыру мақсатында әзірленген Жол картасының орын­далу барысы да талқыланды.

Қайрат Имашевтің айтуынша, 2025 жылға жоспарланған бір­қатар іс-шараның орындалмай қалу қаупі бар. Осы ретте ол фрак­ция мүшелеріне жауапты басқармалармен бірлесе отырып, Жол картасындағы міндеттердің сапалы әрі уақытылы орын­далуын қамтамасыз етуді тапсырды.

Елнар ЕЛТАЙ