Боқаевқа тағылған айыптардың бірі оның ұлттық компаниядағы жұмысына байланысты Бас прокуратура

Бас прокурордың орынбасары Ерлан Өтегенов Санжар Боқаевтың нақты не үшін күдікті деп танылғанын айтып берді. Бұл туралы ол сенатта өткен брифингте мәлімдеді, - деп хабарлайды Tengrinews.kz.

Бас прокурордың орынбасары Ерлан Өтегенов Санжар Боқаевтың нақты не үшін күдікті деп танылғанын айтып берді. Бұл туралы ол сенатта өткен брифингте мәлімдеді, - деп хабарлайды Tengrinews.kz.

Толығырақ

Өтегеновтің айтуынша, Санжар Боқаев алаяқтық жолымен аса ірі мөлшерде қаражат жымқырды және ағаштарды заңсыз кесуді ұйымдастырды деген күдікке ілінген.

"Қазір іс бойынша тергеу амалдары жүріп жатыр. Алаяқтық - оның ұлттық компанияда жұмыс істеген кезіне қатысты", - деді Ерлан Өтегенов.

Ашық дереккөздердегі мәліметтерге сәйкес, Санжар Боқаев 2015-2018 жылдар аралығында "ҚазТрансГаз" АҚ басқарма төрағасының кеңесшісі болып жұмыс істеген.

Мән-жайы

18 наурызда Бас прокуратура Санжар Боқаевтың ұсталғанын хабарлады.

Оған қатысты екі бап бойынша іс жүргізіліп жатыр:

Қылмыстық кодекстің 190-бабы 4-бөлігі 2-тармағы бойынша - "Аса ірі мөлшердегі алаяқтық"; Қылмыстық кодекстің 340-бабы 3-бөлігі 1-тармағы бойынша - "Алдын ала сөз байласу арқылы адамдар тобының ағаштар мен бұталарды заңсыз кесуі, жоюы немесе зақымдауы".

Тергеу нұсқасы бойынша, Боқаев ағаштарды кесуді ұйымдастырып, оны видеоға түсіріп, теріс пікір қалыптастыру үшін әлеуметтік желілерде таратқан. Ведомство мәліметінше, ол қылмысқа сыйақы ұсынып, тұрмысы төмен адамдарды тартқан. Сондай-ақ Боқаев аса ірі мөлшерде алаяқтық жасады деген күдікке ілініп отыр.

31 наурызда Боқаев екі айға қамауға алынған болатын.