​Британдық Колумбияы мектебіндегі атыс: күдікті шабуыл алдында анасы мен інісін өлтірген

Канададағы Британдық Колумбия провинциясында мектепте болған атысқа қатысты тергеу жалғасуда. Полиция дерегіне сәйкес, күдікті шабуылға дейін өз үйінде анасын және 11 жастағы өгей інісін атып өлтірген, деп хабарлайды АА.

11 ақпанда Тамблер-Ридж ауданындағы мектепте болған атыс ел тарихындағы ең көп құрбан болған оқиғалардың бірі болды. Оқиға кезінде алты адам қаза тапты: 39 жастағы мектеп қызметкері және 12–13 жас аралығындағы оқушылар. Барлығы екі шабуылдың салдарынан тоғыз адам қаза тауып, 27 адам жарақат алды.

Күдікті ретінде 18 жастағы Джесси Ван Роотселар анықталды. Ол төрт жыл бұрын мектепті тастап кеткен. Тергеу барысында оның қаруға ерте жастан қызығушылық танытқаны белгілі болды.

Бұл оқиға Канада тарихындағы екінші ең ірі мектептегі шабуыл болып саналады. Біріншісі 1989 жылы Монреальдағы «Polytechnique» мектебінде болған, ол кезде 14 адам қаза тапқан еді.

Тамблер-Ридж — шамамен 2400 тұрғыны бар шағын қала, Скалист таулардың етегінде, АҚШ шекарасынан 680 шақырым қашықтықта орналасқан.

Бүгін, 14:20