Бұл Нобель сыйлығына лайық рекорд . Байденнің ұлы Трампты келеке етті

АҚШ-тың бұрынғы президенті Джо Байденнің ұлы Хантер Байден Дональд Трампты Нобель бейбітшілік сыйлығына ұсынуды ұсынып, оны ашық түрде келемеждеді. Трамптың Таяу Шығыстағы қақтығысты тоқтату туралы жиі жасайтын мәлімдемелері келеке нысанасына айналды, деп хабарлайды Tengrinews.kz.

Хантер Байденнің X (бұрынғы Twitter) әлеуметтік желісіндегі ресми аккаунтында 2 шілде күні кешке жазба пайда болды:

"Мен Дональд Дж. Трампты Нобель бейбітшілік сыйлығына ресми түрде ұсынамын. Тарихта бірде-бір президент дәл бір соғысты бұлайша бірнеше мәрте аяқтаған емес. Біздің Ардақты Көсеміміз Иранмен арадағы соғысты, CNN-нің есебі бойынша, кем дегенде 38 рет тоқтатты. Бұған дейін бірде-бір президент мұндай нәтижеге қол жеткізбеген. Оның үстіне ол бұл істі әлі де жалғастырып келеді. Бұл - Нобель комитеті тарапынан танылуға лайық рекорд. Осы мәселеге назар аударғандарыңыз үшін рақмет!"

Қазіргі уақытта бұл жарияланым 6,8 миллион қаралым жинады.

38 саны қайдан шықты?

Хантер Байден өз жазбасы арқылы Трамптың АҚШ-тың сыртқы саясатына қатысты риторикасын келеке етті. Америкалық CNN телеарнасының журналистері бұған дейін Трамптың көпшілік алдында сөйлеген сөздері мен әлеуметтік желілердегі жазбаларына контент-талдау жүргізген болатын. Таяу Шығыстағы жағдайдың ұзаққа созылған шиеленісі аясында саясаткер Иранмен қақтығыс "іс жүзінде шешілді", ал бейбіт келісімге қол қою - санаулы күндердің еншісінде деп кем дегенде 38 рет мәлімдегені анықталды.

Кіші Байденнің пікірінше, мұндай "бірегей өнімділік" жоғары халықаралық марапатқа лайық. Хантер өз жазбасын Трамптың төл тіркесімен: "Осы мәселеге назар аударғандарыңыз үшін рақмет" деп түйіндеді.

ҚАЗІР ТАЛҚЫЛАНЫП ЖАТЫР

ІІМ ауқымды тексерістер қорытындысын жариялады: мыңдаған шенеунік жазаланды

Бүгін 08:57 2

Әзірге бұл мәлімдемеге Дональд Трамп пен оның командасы тарапынан ешқандай реакция болған жоқ.

Сонымен қатар әлемде мұнай бағасы АҚШ пен Иран арасындағы қарым-қатынастың жақсаруы мүмкін деген белгілер фонында соңғы айлардағы ең төменгі көрсеткішке дейін төмендеді. Кеше таңертең Лондонның ICE биржасында Brent маркалы мұнайдың қыркүйектегі фьючерстерінің құны 1,1 пайызға арзандап, барреліне 70,78 долларды құрады.