БҰҰ Сомали бойынша шұғыл кеңес өткізеді

Еуропалық Одақ Сомалидің аумақтық тұтастығын қолдап, елдің егемендігін құрметтеуге шақырды.

Бұған дейін Израиль әлем бойынша бірінші болып Сомалилендті тәуелсіз мемлекет деп мойындаған еді. Сарапшылар мұны геосаяси жағдаймен байланысты болуы мүмкін деп қауіптенеді. Өйткені Сомалиленд Йеменге қарама-қарсы орналасқандықтан барлау деректерін жинауға және операцияларды жүргізуге қолайлы. Жалпы 1991 жылы Сомалиленд билігі Сомалиден бөлінетінін мәлімдеді. Алайда әлемдік қауымдастық бұл қадамды заңды деп танымады. Ал Израильдің қазіргі әрекетін 50-ден астам мемлекет қатаң сынға алып, бұл шешім аймақтық тұрақтылыққа нұқсан келтіреді деп айыптады. 29 желтоқсанда осы мәселе бойынша БҰҰ Қауіпсіздік Кеңесінің шұғыл отырысы өтеді.