Цифрлық кодекс Сенаттың қарауына жіберілді

Бүгін Мәжіліс депутаттары цифрлық кодексті екінші оқылымда қабылдады. Құжатты қарау кезінде жұмыс тобына 163 түзету келіп түскен. Заң жобасында цифрлық ортада жеке тұлғаның, мемлекеттің қауіпсіздігін арттыру тетіктері қамтылған. Сондай-ақ шектеу енгізілмеген цифрлық жазбаларды іздеуге әрі оны қалыптастыруға еркіндік берілген. Азаматтар мен қоғамдық мүдделердің теңгерімін сақтау жағы да қаралып отыр. Тағы бір жаңашылдықтың бірі - электрондық құжаттар түпнұсқамен теңестіріліп, ақпаратты қорғау жүйелері күшейтілді. Бұдан бөлек заңға смарт-келісімшарттар ұғымы енгізілді. Ол кәдімгі шарттарды алмастырмаса да, тек соның орындалуын автоматтандыру үшін қолданылады.

Ерлан Қошанов, ҚР Парламенті Мәжілісінің төрағасы:

- Мемлекет басшысының қойған міндеті үш жылда Қазақстанды цифрлы мемлекетке айналдыру бастамасына үлкен бір қадам жасадық деп ойлаймын.