Цинмин мерекесі: Қытай теміржолында 90 млн нан аса сапар жоспарланған

Бұл кезең келесі сейсенбіге дейін жалғасады. Осы уақыт ішінде елдегі теміржолдардағы жолаушылар ағыны 90,5 миллион адамға жетуі мүмкін, деп болжайды Қытай мемлекеттік теміржол корпорациясы.

Аталған кезеңде елде тәулігіне орта есеппен 18,1 миллион теміржол сапары жүзеге асырылуы күтіледі, ал жолаушылардың ең көп шоғырлануы сенбі күні болып, бір тәулікте 21,2 миллион сапарға жетеді деп болжанған.

Теміржол операторларының мәліметінше, биыл Цинмин мерекесі кезінде (4–6 сәуір) туысқандарды көріп, ата-бабаларды еске алу, көктемгі серуендер мен саяхат жасау мақсатында сапарға сұраныс жоғары болып отыр. Ең көп жолаушылар орташа және қысқа қашықтыққа сапарға шығады. Сонымен қатар туристік сапарлардың саны айтарлықтай артқан.

Цинмин мерекесі, яғни қайтыс болғандарды еске алу күні, биыл 5 сәуірге сәйкес келеді. Бұл Қытайдағы дәстүрлі мереке, адамдар қайтыс болғандарды еске алып, ата-бабаларына құрмет көрсетеді. Мерекелік демалыс күндері адамдарға жұмыстан және оқудан аздап демалып, белсенді демалысқа және көрікті жерлерге баруға мүмкіндік береді.

Осыған дейін Қытай әуе компаниялары ішкі рейстерде отын салығын көбейтетіні хабарланды.