Дәуір жаңғырығы: Астанада Шоқан Уәлиханов өмірінің маңызды кезеңдері түсіріліп жатыр

Астанада Dara Президенттік бастамалар қорының қолдауымен жүзеге асып жатқан "Шоқан" деректі-көркем жобасы түсірілімдерінің жаңа кезеңі басталды, - деп хабарлайды Tengri Life.

Түсірілім жұмыстары елордадағы бірнеше алаңда және қала маңында жүріп жатыр. Жоба командасы қазақ ғалымы, саяхатшы әрі ағартушы Шоқан Уәлихановтың өмірінің шешуші сәттерін қайта жаңғыртып жатыр.

Сурет Dara Президенттік бастамалар қорынан алынды

Негізгі түсірілім алаңдарының бірі - "Астана Опера" театры. Мұнда XIX ғасырдағы зиялы қауым өмірінің атмосферасын бейнелейтін ауқымды бал көріністері түсірілген. Оған 100-ге жуық адам қатысты.

Сурет Dara Президенттік бастамалар қорынан алынды

Сондай-ақ түсірілімдер Тайтөбе каньондарында да жүргізілді. Онда жоба тобы Қашқар экспедициясының көріністерін түсірді. Тарихи реконструкция үшін керуен, от жағылған жорық лагері және басқа да детальдар әзірленді.

Сурет Dara Президенттік бастамалар қорынан алынды

Ұйымдастырушылардың айтуынша, бұл Шоқан Уәлихановтың ең маңызды сапарларының бірінің рухын жеткізген.

Жобаға Меруерт Өткешева, Бақтияр Қожа, Төлепберген Байсақалов және Салтанат Бақаева түсіп жатыр. Басты рөлді ашық онлайн-кастинг нәтижесінде таңдалған жас актер Ерлан Құлмурзин сомдайды.

Сурет Dara Президенттік бастамалар қорынан алынды

Жақын арада түсірілім тобы жұмысын Сырымбеттегі Айғаным қоныс-музейінде, сондай-ақ ғалым жерленген "Алтын Емел" ұлттық паркінде жалғастырады.

Фото Dara Президенттік бастамалар қорынан алынды

Авторлардың ойынша, "Шоқан" жобасы көркем баяндауды, деректі шынайылықты және ауқымды тарихи реконструкцияны ұштастырып, Шоқан Уәлихановтың өмірі мен ғылыми мұрасы туралы сыр шертеді.

Сурет Dara Президенттік бастамалар қорынан алынды

Жоба авторы - қазақстандық журналист және деректі фильмдер авторы Майя Бекбаева.

Google News арқылы жаңалықтарымызды қадағалаңыз