Дауылдан кейін көлікке ағаш құлады не істеу керек және шығынды кім өтейді

Бүгін Алматыда болған қатты дауылдан кейін қалада ағаштар мен ірі бұтақтардың көліктердің үстіне құлауының ондаған дерегі тіркелді.

Бүгін Алматыда болған қатты дауылдан кейін қалада ағаштар мен ірі бұтақтардың көліктердің үстіне құлауының ондаған дерегі тіркелді.

Автоблогер saltuwa__ өзінің Instagram парақшасында қолайсыз ауа райының салдары бейнеленген видео жариялап, көптеген көлік иелерін мазалайтын сұрақты көтерді: егер көліктің үстіне ағаш құласа не істеу керек және шығынды өтетуге бола ма?

Instagram-дағы бұл жарияланымды көру

Салтанат Қанатқызының жарияланымы (@saltuwa__)

Tengri Auto осындай жағдайға тап болған жүргізушілерге арналған нұсқаулықты ұсынады.

1-қадам. Оқиғаны тіркеңіз

Ең алдымен, оқиға орнын егжей-тегжейлі тіркеп алу қажет.

Мыналарды сурет пен видеоға түсіріп алыңыз:

құлаған ағашты немесе бұтақты; көліктегі зақымдарды; мемлекеттік нөмірді; айналаны және жергілікті жерге қатысты нысандарды; үйдің мекенжайын немесе жақын маңдағы бағдарларды.

Мүмкіндігінше түсірілім күні мен уақыты туралы деректерді сақтап қойыңыз.

Полиция қызметкерлері келгенше көлікті орнынан қозғалтпау маңызды. Олар оқиғаны рәсімдеп, сызбасын сызып, арыздың қабылданғаны туралы хабарлама талонын беруі тиіс.

saltuwa__ видеосынан кадр

2-қадам. Ағашқа кім жауапты екенін анықтаңыз

Шығынды кім өтейтіні ағаштың қай жерде өскеніне байланысты болады.

Жол-көлік оқиғалары жөніндегі маман Михаил Будянскийдің айтуынша:

"Егер ағаш тұрғын үйден бес метрге дейінгі қашықтықта орналасса, жауапкершілік әдетте ПИК, МИБ немесе басқарушы компанияға жүктеледі; егер ағаш ғимараттан бес метрден алыс өскен болса, жауапкершілік әкімдікке немесе жасыл желектерді күтіп ұстауға жауапты бейінді басқармаға тиесілі болуы мүмкін. Дәл осы ақпарат кейін шағымды немесе сот талабын қарау кезінде ескеріледі".

3-қадам. Сақтандыру компаниясына хабарласыңыз

Егер көлік КАСКО бойынша сақтандырылған болса, оқиға туралы бірден сақтандыру компаниясына хабарлап, апаттық комиссарды шақыру қажет.

Ағаштың құлауы сіздің келісімшартыңыз бойынша сақтандыру жағдайына жататынын нақтылап алыңыз.

Егер КАСКО полисі болмаса, келтірілген шығын дәлелдерін өз бетіңізше жинауға тура келеді:

тәуелсіз бағалаушының қорытындысы; көлікті эвакуациялауға арналған құжаттар; жөндеу шоттары; оқиғаға байланысты басқа да шығындар. 4-қадам. Шағым түсіріңіз

Ағашты күтіп ұстауға жауапты ұйым анықталғаннан кейін, оған шығынды өтеу туралы сотқа дейінгі шағым жіберу керек.

Шағымға мыналарды қоса тіркеу қажет:

фотосуреттер мен видеолар; полиция құжаттары; шығынды бағалау құжаты; шығынды растайтын құжаттар.

Көп жағдайда дау осы кезеңде шешіледі.

saltuwa__ видеосынан кадр

5-қадам. Сотқа жүгініңіз

Егер шағым жауапсыз қалса немесе өтемақы төлеуден бас тартылса, келесі қадам - сотқа жүгіну.

Тәжірибе көрсеткендей, ағаштардың көлік үстіне құлауы туралы істерде жасыл желектерді күтіп ұстауға және қалалық орта қауіпсіздігіне жауапты ұйымдар жиі жауапкер ретінде тартылады.

Ағаш құлау қаупі бар болып көрінсе не істеу керек?

Егер сіз қатты жел кезінде құлап кетуі мүмкін ағашты байқасаңыз, мамандар оқыс оқиғаны күтпей әрекет етуге кеңес береді.

Мына жерлерге хабарласуға болады:

аудандық әкімдікке; ТЖ қызметтеріне; аумақты абаттандыруға жауапты ұйымдарға.

Шұғыл жағдайларда комиссия құрылып, ағашты санитарлық кесу немесе толық кесіп тастау туралы шешім қабылдайды.

saltuwa__ видеосынан кадр

Түйін

Көліктің үстіне ағаш құлаған жағдайда дүрбелеңге салынбай, құжаттар рәсімделгенше көлікті орнынан қозғалтпау маңызды. Мән-жайы неғұрлым жақсы тіркеліп, дәлелдер жиналса, сақтандыру компаниясынан немесе ағашты күтіп ұстауға жауапты ұйымнан шығынды өтету мүмкіндігі соғұрлым жоғары болады.

Тағы оқыңыз: Көлікке ағаш құлады: қазақстандық өтемақы өндіріп алды

Google News арқылы жаңалықтарымызды қадағалаңыз

Жазылу