Депутат Мұқаев көк папка мен әйелін құттықтауға қатысты дауға жауап берді

Мәжіліс депутаты Дәулет Мұқаев жұбайын туған күнімен құттықтап, оған Парламенттің ресми хатына ұқсайтын грамота тапсырған видеосы жарияланғаннан кейін даудың ортасында қалды. Бүгін мәжілісмен бұл әрекеті этиканы бұзу деп саналатын-санамайтыны туралы сұраққа жауап берді, - деп хабарлайды Tengrinews.kz.

Мәжіліс депутаты Дәулет Мұқаев жұбайын туған күнімен құттықтап, оған Парламенттің ресми хатына ұқсайтын грамота тапсырған видеосы жарияланғаннан кейін даудың ортасында қалды. Бүгін мәжілісмен бұл әрекеті этиканы бұзу деп саналатын-санамайтыны туралы сұраққа жауап берді, - деп хабарлайды Tengrinews.kz.

Бұған дейін әлеуметтік желілерде депутаттың жұбайына ресми парламенттік құжатқа ұқсас құттықтау тапсырып жатқан видеосы тараған болатын. Кейбір қолданушылар Мұқаевты Парламент атрибутикасын жеке мақсатына пайдаланды деп есептеп, сынға алды.

Бұл ретте депутат видеода жұбайын ресми түрде құттықтауды жөн көргенін, "әйтпесе 1 шілдеден бастап Парламент таратылады" деп әзілдеген.

Бүгін Мәжіліс кулуарында журналистер депутаттан бұл әрекеті этиканы бұзу емес пе деп сұрады.

"Соңғы екі-үш күнде "Дәулеттің көк папкасы" қызу талқыға түсті. Біріншіден, бұл ешқандай да ресми құттықтау емес еді. Әлеуметтік желілерде "Парламент атынан" деген тұжырымдарды өзім де көрдім, бірақ бұл менің жеке құттықтауым болатын", - деп түсіндірді ол.

Мұқаевтың айтуынша, видеодағы папка - жұмыс құжаттарына арналған оның жеке папкасы.

"Осы ғимараттағы әрбір әріптесімізде ақ және көк папкалар бар. Көк папка менің жеке құжаттарым үшін қолымда жүрген болатын. Дизайнын өзім жасадым, мәтінін жаздым, оны басып шығардым, баспа үшін 5 мың теңге төледім де, жұбайымды құттықтадым - болды", - деп түсіндірді парламентарий.

Мұқаевтың пайымдауынша, Парламент регламентін бұзу жағдайы болған жоқ.

ҚАЗІР ТАЛҚЫЛАНЫП ЖАТЫР

Қызылордада тұрғын үй-коммуналдық шаруашылық саласын дамыту тақырыбында форум өтті

Кеше 22:48 2

"Регламентке сәйкес, рұқсатсыз Парламенттің ресми бланкісін пайдалануға тыйым салынады, ал бұл жағдайда әңгіме тек папка туралы болып отыр. Сонымен қатар, құттықтау пленарлық отырыста немесе мемлекеттік мекемеде емес, жұмыстан тыс уақытта, достар арасындағы жеке іс-шарада айтылды. Онда әріптестерімнің қолдары немесе ресми құттықтаулары болған жоқ", - деді ол.

Сондай-ақ Мұқаев құжатта әріптестерінің ешқандай қолы немесе ресми құттықтауы болмағанын атап өтті.

"Туған күн 5-і болған, ал әлеуметтік желілердегі талқылау тек 9–10 мамырда басталды. Бұл біреудің арнайы тапсырысы ма - білмеймін", - деп түйіндеді депутат.

Еске салайық, бұған дейін мәжілісмен Ардақ Назаров анасын тікелей Парламент палатасының пленарлық отырысы кезінде құттықтап, бұл да дау тудырған болатын.

Google News арқылы жаңалықтарымызды қадағалаңыз