Доллар тағы 7 теңгеге жуық қымбаттады

Қазақстандағы сауда-саттықта доллар бағамы өсіп жатыр. 5 қазанда Қазақстан қор биржасында (KASE) қандай бағам орнағаны - Tengrinews.kz материалында.

KASE-дегі күндізгі сауда-саттық қорытындысы бойынша доллардың орташа бағамы 6,62 теңгеге көтеріліп, 454,98 теңгеге тең болды. Ұлттық банктің 5 қазанға арналған ресми бағамы - бір доллар үшін 447,73 теңге.

Алматыда ақша айырбастау пунктеріндегі доллар бағамы сатып алу – 455,82 теңге; сату – 458,45 теңге. Астанада ақша айырбастау пунктеріндегі доллар бағамы сатып алу – орта есеппен 451,90 теңге; сату – 458,83 теңге. Теңгеге не болды?

Еске салайық, 2 қазанда KASE-дегі доллардың орташа бағамы 447,73 теңге болды. Сауда сессиясы барысында ол 5,47 теңгеге өсті. Бұған дейін теңге айтарлықтай нығайып, биржадағы доллар бағамы 440 теңгеден төмен түскен еді. Сарапшылар бағам динамикасын бірнеше фактормен түсіндірді. Олардың қатарында ішкі валюта нарығындағы жағдай, шетел валютасына деген сұраныстың өзгеруі, сондай-ақ долларға деген сұраныс пен ұсыныстың арақатынасы бар.

Ұлттық банк те мәлімдеме жасап, валюта нарығындағы жағдайға қатысты пікір білдірді және бағамның қалыптасуына нарықтық факторлардың әсерін атап өтті.

Бізді Google-дың негізгі дереккөздер тізіміне қосыңыз

Қосу