Дүкендегі тауар бағалары бақылауда

Еліміздің дүкендерінде баға тұрақты. Бұған бүгін елордадағы ірі сауда желілерін аралап шыққан Сауда және интеграция министрі көз жеткізді. Арман Шаққалиевтің айтуынша, қымбатшылықтың алдын алу үшін арнайы акциялар ұйымдастырып, отандық өндірушілердің тауарлары халыққа қолжетімді болуына жағдай жасалған.

Еліміздің дүкендерінде баға тұрақты. Бұған бүгін елордадағы ірі сауда желілерін аралап шыққан Сауда және интеграция министрі көз жеткізді. Арман Шаққалиевтің айтуынша, қымбатшылықтың алдын алу үшін арнайы акциялар ұйымдастырып, отандық өндірушілердің тауарлары халыққа қолжетімді болуына жағдай жасалған.

Бүгін елордадағы сауда желілерінде адам қарасы қалың. Барлығы Жаңа жыл мерекесінен кейінгі демалысты тиімді пайдаланып, азық-түлік алуға шыққан. Айтуларынша, баға тиімді.

Сатушылар болса жаңа жылдан кейін баға өзгермегенін, тіпті жеңілдіктер де сол қалпы сақталғанын мәлімдеді.

Таңат Нұрсейітов, дүкен меңгерушісі:
- Бізде Жаңа жылдан кейін ешқандай баға қымбаттаған жоқ. Әдеттегідей әлеуметтік маңызы бар 19 позиция тауарлары өз бағасын ұстап тұр. Сонымен қатар береке фест әлі жалғасуда. Баға өзгерген жоқ. Дүкен бұрынғыдай жарнамалық орындарында тұр. Алдағы уақытта да баға өзгереді дегенді естіген жоқпыз. Ондайды ешкім бізге айтқан жоқ.

Дүкендердегі бағаның құбылмауын жауапты органдар да бақылауда ұстап отыр. бүгін Сауда және интеграция министрі Арман Шаққалиев өзі ірі супермаркеттерге тексеріс жүргізіп, тауар құны тұрақты екеніне көз жеткізді.

Арман Шаққалиев, ҚР Сауда және интеграция министрі:
- Байқап жатырмыз. Ешқандай өзгерістер жоқ. Тауар толып тұр. Сөреде өндірушілеріміздің тауары делдалсыз тұр. Баға тұрақты. Сол қолжетімді баға – бідің мақсатымыз. Ешқандай тапшылық жоқ. Соған арнайы мониторинг жасап жатырмыз.

Қазір азық-түлік бағасын тұрақтандыру үшін түрлі іс-шаралар да өтіп жатыр. Соғым фест және Береке фест акциясына 80-нен астам сауда желісі қатысты.

Авторлары: Серік Селеубайұлы, Мерей Талап