Дуран: НАТО ның Анкарадағы саммитінің негізгі тақырыптарының бірі Украина болады

АСТАНА, 5 шілде – Sputnik. НАТО-ның Анкарадағы саммитінің негізгі тақырыптары еуроатлантикалық аймақ үшін қауіптер мен қиындықтар, Украина және блоктың Оңтүстік қапталына төнетін қауіптер мен сын-қатерлер болады, деп хабарлады Түркия президенті әкімшілігінің коммуникациялар басқармасының басшысы Бурханеттин Дуран x әлеуметтік желісінде.

"Көшбасшылар еуроатлантикалық аймақтың алдында тұрған қауіптер, тәуекелдер мен қиындықтар туралы стратегиялық деңгейде пікір алмасады. Украинадағы жағдай және альянстың Оңтүстік қапталындағы соңғы оқиғалар талқыланады", — деп жазды ол.

Альянс қатысушылары қорғаныс инвестицияларын ұлғайту туралы шешім аясында қабылданған қадамдарды бағалауды жоспарлап отыр.

НАТО саммиті Анкарада 7-8 шілдеде өтеді. Оған дайындық аясында сейсенбіде Брюссельде Альянс елдері өкілдерінің кездесуі өтті, онда олар алдағы саммиттің қорытынды декларациясының жобасын талқылады.