Джеки Чан Бакуде түсірілімге кірісті: Қазақстанға қайта келуі мүмкін бе?

Фото: Newscom / Legion-media

Фильмнің түсірілімі бұған дейін Қазақстанның Маңғыстау және Алматы облыстарында, сондай-ақ Алматы қаласында өткен. Жоба қазан айына дейін жалғасатындықтан, актер Қазақстанға қайта оралуы мүмкін.

Бұған дейін Қазақстан фильмнің негізгі түсірілім алаңы ретінде таңдалғаны хабарланған еді. Ал Әзербайжанда картинаның жекелеген көріністері ғана түсіріледі.

Еске салсақ, жақында Ақтау тұрғындары әлеуметтік желілерде жағалауда автобус пен тікұшақ қатысқан ауқымды түсірілімнен бейнежазбалар жариялаған болатын. Кейін Sәlem Entertainment компаниясы ақтаулықтарға қонақжайлығы үшін алғыс айтып, қаладағы түсірілім жұмыстарының аяқталғанын мәлімдеді.

Аида Балаева Джеки Чанға екі ел арасындағы мәдени байланысқа қосқан үлесі үшін алғыс айтты

«Доспехи Бога 4: Ультиматум» франшизаның соңғы бөлімі болады деп жоспарланған. Фильмнің тұсаукесері 2027 жылдың ақпан айына белгіленген.

Еске салайық, 15 маусымда Бозжырада «Доспехи Бога 4» фильмінің түсірілімі басталғанын хабарлаған едік.